በማይካድራ ተጨማሪ የጅምላ መቃብሮች ተገኙ

ጥቅምት 30/2013 ዓ.ም በንጹኃን የአማራ ብሔር ተወላጆች ላይ ዘርን መሠረት ያደረገ ጥቃት በማይካድራ ከተማ መፈፀሙ ይታወቃል። ይህን አስነዋሪ ተግባር የኢትዮጵያ ሰብዓዊ መብት ኮሚሽን በቦታው በመገኘት ባደረገው ጥናት እና ይፋ ባደረገው መረጃ የሟቾች ቁጥር በትንሹ 600 እንደሆነ ገልጾ ነበር።
mai kaydra
ግድያውም ዘርን መሠረት ያደረገና በተለይም የአማራ ተወላጆች ላይ ያነጣጠረ ጅምላ ጭፍጨፋ መሆኑን ገልጿል። ይሁን እንጂ የሟቾች ቁጥር በትንሹ 600 ነው ተብሎ የተገለጸው በማይካድራ ከተማ በየቤቱ ህይወታቸው አልፎ የተገኙ እና በቤተክርስቲያን ውስጥ የተቀበሩትን ብቻ መሠረት ያደረገ ነው።
የኢትዮጵያ ሰብዓዊ መብት ኮሚሽን ጥናት አድርጎ ከተመለሠ በኃላ ከማይካድራ ከተማ ወጣ ባሉ የገጠር አካባቢዎች በርካታ የጅምላ መቃብሮች መገኘታቸውን የአማራ ብዙኃን መገናኛ ድርጅት ጋዜጠኞች በቦታው በመገኘት አረጋግጠዋል።
በአንድ ቦታ 18 ሰው በጉድጓድ ውስጥ በጅምላ የተጣሉ ሲሆን በሌላ የገጠር አካባቢ ደግሞ 57 ሰዎች በጎርፍ ማፋሰሻ ቦይ ውስጥ በጅምላ ተገድለው እና ተጥለው ተገኝተዋል።
በዛሬው ዕለትም በማይካድራ ሌላ የገጠር ቀበሌ ውስጥ 17 ሰዎች በጅምላ ተገድለው በጉድጓድ ውስጥ ተጥለው ተገኝተዋል። አሁንም ሴንትራል፣ ደሮ እርባታ፣ በረኸት በሚባሉ አካባቢዎች ላይ አሠሳ እየተደረገ እንደሚገኝ እና ቁጥሩ እንደሚጨምር የማይካድራ ነዋሪዎች ገልጸውልናል።
በዚህ የዘር ማጥፋት ወንጀል ተሳታፊ ናቸው የሚባሉት ተጠርጣሪዎች በብዛት ሱዳን ሐሻባ በሚባል የስደተኞች መጠለያ ውስጥ እንደሚገኙ ይነገራል።
ከዚህ በተጨማሪ በማይካድራ የዘር ማጥፋት ወንጀል ላይ ተሳታፊ ናቸው በሚል ተጠርጥረው ከተያዙት 60 ግለሠቦች ውስጥ 17ቱ በቀጥታ የወንጀሉ ተሳታፊ መሆናቸውን የማይካድራ ከተማ ጊዜያዊ አስተዳደር ገልጾልናል።
ትህነግ በወልቃይትና አካባቢው ተወላጆች ላይ በአስር ሽህ የሚቆጠሩ ዜጎችን ገድሏል፤ ከግማሽ ሚሊየን በላይ ሰዎችን ደግሞ ከአካባቢያቸው እንዲፈናቀሉ አድርጓል ።
ባሕር ዳር፡ ኅዳር
አብመድ
ተጨማሪ ያንብቡ:  በመርሳ ከተማ በህዝብ ላይ የሚፈጸመው ጥቃት እንደቀጠለ ነው

2 Comments

  1. Wolkait is for Tigreyans.Majority of the residents of Wolakait want to be ruled by the Tigray region. Wolkait’s residents always had been mainly Tigreyans until this day and almost all of the residents choose to be ruled under the Tigray region, not the Amara region.

    People of Wolkait had always been hard working. The farmers of Wolkait pay their fertilizer debts on time making them achieve a great productivity record, right now the Amara region is expressing interest to steal this area of high productivity record from the hard working Tigreyan people of Wolkait.

  2. በማይካድራ ህዝብ ጨፍጭፈው ወደ ሱዳን ካምፕ ገብተዋል የሚባሉትን ወንጀለኛ ወጣቶች መንገስት ከአለም ዓቀፍ ስደተኞች ድርጅት እና ከሱዳን መንግስት ጋር በመነጋገር በአስቸኳይ ተላልፈው እንዲሰጡት እና ለሰሩት ወንጀል እንዲጠየቁ ማድረግ አለበት፡፡ የአለም አቀፍ የጦር ወንጀል ፍርድ ቤትም በአውሮፓ ተቀምጦ ተስማሙ የሚል አቋም ከሚይዝ የትህነግ መሪዎች ጭምር በአስቸኳይ ለፍርድ እንዲቀርቡ ማድረግ ነው የሚጠበቅበት፡፡ እንደው እንደድሮ ጊዜ በአደባባይ መስቀል ቢኖር የስቅላት ፍርድ ነበር መሆን የነበረበት፡፡

    የቄሳርን ለቄሳር ነበር፡፡

ሀሃሳብ እና አስተያትዎን ይስጡ

Your email address will not be published.