አምነስቲ ኢንተርናሽናል በማይካድራ በንጹሃን ዜጎች ላይ የተፈጸመው ጥቃት በህወሃት ቡድን መሆኑን የሚያሳዩ መረጃዎችን እንዳገኘ ገለጸ

125332603 3868146526550528 4363885892518670255 o
አምነስቲ ኢንተርናሽናል በማይካድራ በንጹሃን ዜጎች ላይ የተፈጸመው ጥቃት በህወሃት ቡድን መሆኑን የሚያሳዩ መረጃዎችን እንዳገኘ ገልጿል፡፡
የአለም አቀፉ የሰብዓዊ መብት ተቆርቋሪ ድርጅት አምነስቲ ኢንተርናሽናል በማይካድራ በመቶዎች የሚቆጠሩ እና ከጦርነቱ ጋር ግንኙነት የሌላቸው ንፁሃን ዜጎች መገደላቸውን ማረጋገጡን አስታወቀ፡፡
በትግራይ አካባቢ የግንኙነት ቴክኖሎጂዎች በመቋረጣቸው የጭፍጨፋውን ሙሉ መጠን ማወቅ አለመቻሉን የገለፀው አምነስቲ ኢንተርናሽናል፤ በሁለቱም ወገን የሚፈጠረውን የህግ ጥሰት ይፋ ለማድረግ የተለያዩ አማራጮችን እየተጠቀመ እንደሆነም ገልጿል፡፡
ነገር ግን የአካባቢውን ነዋሪዎች በመጠየቅ አረጋገጥኩ ባለው የድርጅቱ መረጃ መሰረት በስለታማ ነገሮች የተገደሉ እና ተወግተው የተረፉ ዜጎች እንደተገኙ አመልክቷል፡፡
አምነስቲ ኢንተርናሽናል እስከ አሁን ጥቃቱን ማን እንደፈጸመ እንዳላረጋገጠ ገልጾ፣ ከአካባቢው ከነበሩት ምስክሮች ባገኘው መሰረት ጥቃቱን የፈፀሙት የህወሃት ቡድን ታማኝ የሆኑ ታጣቂዎች በፌዴራል ጦር ከተሸነፉ በኋላ ነው ብሏል፡፡
ድርጅቱ ሶስት ከጥቃቱ የተረፉ ዜጎችን አነጋግሮ በጽንፈኛው ህወሃት ቡድን ልዩ ኃይሎች ጥቃት እንደተፈጸመባቸው እንደገለጹለት ጠቅሷል፡፡
አምነስቲ ኢንተርናሽናል በጥቃቱ የተሳተፉ አካላትን ገለልተኛ ሆኖና መርምሮ በአስቸኳይ ለፍርድ እንዲያቀርብም መንግስትን ጠይቋል፡፡
የህወሃት ቡድን መሪዎች በሰላማዊ ዜጎች ላይ የሚያደርሱት ጥቃት በጦር ወንጀል ሊያስጠይቃቸው የሚችል በመሆኑ ከዚህ ድርጊታቸው እንዲታቀቡ ድርጅቱ አሳስቧል፡፡
ተጨማሪ ያንብቡ:  ህዝብ ተወካዮች ምክር ቤት በ2013 አገራዊ ምርጫው እንዲደረግ አጸደቀ

1 Comment

  1. ምን አይነት አሮዌስ የሆነ ሰይጣናዊ ድርጊት ነው፡፡ የሰው ደም ሲያቃዥህ ይኖራል ገና፡፡ የትግራይ ንፁህ ህዝብ ከዚህ ምንድን ነው የሚገነዘቡት፡፡ አይ የሰው ልጅ፡፡ የመንግስት አርምጃ መፍጠን አለበት፡፡
    በአለም አቀፍ ወንጀለኞች ተመዝግበው በአስቸኳይ እንዲያዙ አምነስቲ ኢንተርናሽናል እና የአለም አቀፍ ድርጅቶች መንቀሳቀስ አለባቸው፡፡

ሀሃሳብ እና አስተያትዎን ይስጡ

Your email address will not be published.