በኢትዮጵያውያን ላይ እየተፈጸመ ባለው ማንነትን መሠረት ባደረገው ጥቃት እጅግ ማዘኔን እገልፃለሁ- አብይ አህመድ

abiy
የኢትዮጵያ ጠላቶች፤ “ወይ እኛ እንገዛለን፤ ወይ ሀገር አትኖርም” ብለው ተነሥተዋል። ለዚህም የጥፋት ዐቅማቸውን ሁሉ እየተጠቀሙ ነው። አንደኛው ዒላማቸውም የሕዝባችንን ቅስም መስበር ነው።
ለዚህ እየተጠቀሙበት ያለው ስልት ግራ ቀኝ የማያውቁ ሰዎችን እየሰበሰቡ በማሠልጠንና በማስታጠቅ በየአካባቢው ማንነትን መሠረት ያደረገ አረመኔያዊ ጥቃት ማድረስ ነው። ይህ ተግባር ሕዝቡ እንዲደናገጥ፣ እንዲፈራና በስሜት ያልተገባ ርምጃ እንዲወስድ የታለመ ነው።
መንግሥት በተለያዩ ቦታዎች ሊፈጠሩ ይችላሉ ያላቸውን ጥፋቶች በቅድሚያ መረጃ ሰብስቦ ርምጃ በመውሰድ ሲያከሽፍ ቆይቷል። ነገር ግን ያለፈው ሥርዓት ያወረሰንን ቀዳዳዎች ሁሉ በጥቂት ጊዜ ውስጥ ደፍኖ መጨረስ አልተቻለም።
የጥፋት ኃይሎች ከውጭ ላኪዎቻቸውና በመንግሥት መዋቅር ውስጥ በሚገኙ ባልጠሩ አድር ባዮች ትብብር በሕዝባችን ላይ አሳዛኝ ጥቃት እያደረሱ ነው። ሁኔታው እንደ መሪም እንደ ዜጋም ልብ ይሰብራል።
ይህ ግን ከመንገዳችን ወደኋላ፣ ከግባችን ወደ ሌላ አያደርገንም። ተስፋ ቆርጠን እንድናቆም፣ ተሸንፈን እንድናፈገፍግ አያደርገንም። ከምንጊዜውም በላይ ኃይላችንን አሰባስበን እንድንነሣ ያደርገናል እንጂ።
መንግሥት ሁሉንም ዓይነት አማራጮች ተጠቅሞ የችግሩን ሰንኮፍ ይነቅለዋል። የጸጥታ አካላት ጥቃቱ ወደተፈጸመበት አካባቢ ተሠማርተዋል። ርምጃም እየወሰዱ ነው። በቀጣይም የሕዝባችንን ደኅንነት ለማስጠበቅ መንግሥት የመንግሥትነቱን ሥራ በቁርጥና በጽናት ይሠራል።
ሕዝቡ፣ የፖለቲካ ፓርቲዎች፣ የጸጥታ አካላት፣ ምሁራንና ሌሎችም፧ መንግሥት ችግሩን ከምንጩ ለማድረቅ የሚወስደውን ርምጃ በመደገፍ የሚጠበቅባቸውን እንዲያደርጉ ጥሪ አቀርባለሁ።
አብይ አህመድ

2 Comments

  1. ደ/ር አብይ ፣
    ለዚህ ሁሉ ምስቅልቅል መነሻ ዋናው ተዋናይ ትህነግ መሆኑን ፀሐይ የሞቀው እውነታ ነው።
    ስለዚህ የዚህ ወንጀለኛ የተከላቸውን እሾዎች አንድ ባንድ መንቀል የግድ ነው።
    1.ህገ መንግስቱን ለጊዜውም ቢሆን አሻሽሎ አነስተኛ ማህበረሰቦች /Minorities/የክልል ባለቤቶ ች ከሚባለት ጋር እከል መብት መስጠት፣እና በክልለ አስተዳደር እንዲሳተፉ ማድረግ። እንዱደራጁ መፍቀድ። ኦሮሚያ፤ቤኑ ሻንገል፣ሐረሪን…….etc ይመለከታል።
    2.በመንጋ መጥቶ በግድያ እና በዘረፋ የተሰማራን ሀይል እያንዳንዱ ተጠቂ በመሳሪያ ራሱን እንዲከላከል መፍቀድ፣ሐለፊነቱን አራጁ እና ዘራፊው በህግ እንዲወስድ ማድረግ.
    3. ህዝብ በመረጠው መንግስት ህገ መንግስቱ እስከሻ ሻል የዜጎችን እኩልነት በሚያረጋግጥ ጊዚያዊ interim. ህገ መንግስት ማውጣት ፣በዚህም ላይ በመ መስረት ህገራውዊ ምርጫ ማካሔድ። ከዚሕ ያነሰ ማድረግ ትህነግን በሌላ ካባ መልሶ ማምጣት ነው። ጆሮ ያለው ይስማ !!!!

  2. በየአከባቢው ማንነትን መሠረት ያደረገ ተባለልኛ በዋነኛው የአማራ ጠላት
    እማራ የምትለዋን ቃል ላለመጥራት

    ነገ ደግም እንደለመደው በአብዛኛው ኦሮሞ ነው የሞተው በለና
    በጉርሶ ይህን ያህል የኦሮሞ አስከሬን አስቆጥሬ ተመለስኩ ብለህ ዘርዝርልን እንደ ደጋገምከው በየቦታው ጀምሮ ከጅምሩ ከአቻ አምና

ሀሃሳብ እና አስተያትዎን ይስጡ

Your email address will not be published.