በቤኒሻንጉል ጉሙዝ ክልል በንጹኃን ዜጎች ላይ ጥቃት በፈጸሙ አካላት ላይ የፌዴራል መንግሥት ርምጃውን አጠናክሮ እንዲቀጥል የአማራ ክልል ሰላም እና ደኅንነት ቢሮ አሳሰበ

Benshangul

ባሕር ዳር፡ ጥቅምት 04/2013ዓ.ም (አብመድ) በንጹሐን ላይ የተፈጸመውን ጥቃት የግለሰብ ግጭት እንደሆነ ተደርጎ በክልሉ ሰላም እና ፀጥታ ቢሮ ኃላፊ የተሰጠው መግለጫ ትክክል አለመሆኑን የአማራ ክልል አስታወቀ፡፡
በቤኒሻንጉል ጉሙዝ ክልል በንጹኃን ዜጎች ላይ በተፈጸመው ጥቃት አስመልክቶ የአማራ ክልል ሰላም እና ደኅንነት ቢሮ ኃላፊ ሲሳይ ዳምጤ ማብራሪያ ሰጥተዋል፡፡
ቢሮ ኃላፊው እንደገለጹት በአንድ ባልታወቀ ግለሰብ ጥቃት ተፈጸመ ተብሎ በአካባቢው የቀበሌ አመራር አስተባባሪነት ማንነትን መሠረት ያደረገ ጥቃት ተፈጽሟል፡፡ ይህንም ተከትሎ የቤኒሻንጉል ጉሙዝ ክልል ሰላም እና ፀጥታ ቢሮ ኃላፊ የግለሰብ ግጭት እንደሆነ አድርገው የሰጡት መግለጫ ትክክል አለመሆኑን አቶ ሲሳይ ገልጸዋል፡፡
ጥቃቱ የሕዝብ ለሕዝብ ሳይሆን ቀጣናውን ሰላም ለመንሳት ከሚንቀሳቀሱ ኃይሎች አጀንዳ የሚቀበሉ የሥራ ኃላፊዎች የፈጸሙት ማንነትን መሠረት ያደረገ ጥቃት መሆኑን ገልጸዋል፡፡
ችግሩን የፌዴራል መንግሥት በትኩረት እየተከታተለው እንደሚገኝ የገለጹት ቢሮ ኃላፊው በመተከል የሚገኙ ነዋሪዎችን ብቻ ሳይሆን በክልሉ የሚኖሩ ዜጎችንም ተዘዋውሮ የመሥራት ሕገ-መንግሥታዊ ዋስትናቸውን ሊያስጠብቅ እንደሚገባ አሳስበዋል፡፡ በክልሉ የሥራ ኃላፊዎች ላይም ምርመራ ሊያደረግ እና አጥፊዎች ላይ ርምጃ ሊወሰድ አንደሚገባ ጠይቀዋል፡፡
በዚህ ወቅት ችግሩን ለመፍታት በቂ የፀጥታ ኃይል ወደ አካባቢው ቢገባም የሰሊጥ መሰብሰቢያ ወቅት በመሆኑ ነዋሪዎች በተናጠል ጥቃት እየተፈጸመባቸው እንደሆነ ገልጸዋል፡፡ ይህንም አስመልክቶ የአማራ ክልል መንግሥት ከፌዴራል ጋር በጋራ እየሠራ እንደሚገኝ ኃላፊው ገልጸዋል፡፡ የአካባቢው ማኅበረሰቡም ራሱን በማደራጀት ከፀጥታ መዋቅሩ ጋር በቅንጅት እንዲሠራ አሳስበዋል፡፡
በዳግማዊ ተሠራ
ተጨማሪ ያንብቡ:  የስደተኞች ችግር እና የ«ዩኤንኤችሲአር» ጥሪ

2 Comments

  1. ነገሩን ማድበስበስ አያስፈልግም፡፡ ይህች ባቄላ ካደረች . . . ነውና ነገሩ ትኩረት ተሰጥቶት አፋጣኝ የማጥራት ስራ መከናወን አለበት፡፡

    አማራ ክልል አስተዳደርም በራሱ የተጠናከረ ስራ መስራት አለበት፡፡ ፌዴራልን መጠበቅ የለበትም፡፡ ለወደፊትም ከምንጩ ማድረቅ ይገባል፡፡

  2. ነገሩን ማድበስበስ አያስፈልግም፡፡ ይህች ባቄላ ካደረች . . . ነውና ነገሩ ትኩረት ተሰጥቶት አፋጣኝ የማጥራት ስራ መከናወን አለበት፡፡ አማራ ክልል አስተዳደርም በራሱ የተጠናከረ ስራ መስራት አለበት፡፡ ፌዴራልን መጠበቅ የለበትም፡፡

ሀሃሳብ እና አስተያትዎን ይስጡ

Your email address will not be published.