አብይ፣ ለማና የጃዋር ካልኩሌተር (አበበ ገላው)

oromo 1ጠቅላይ ሚኒስትር አብይ አህመድና ኦቦ ለማ መገርሳ በጣም የቅርብ ወዳጆች ነበሩ። ከወዳጅነትም ባለፈ እንዱ ለሌላው መከታ የነበረ ወንድማማቾች አንደነበሩ ይነገራል። በስፋት እንደምታወቀው ህወሃትን አሽምድምዶ በጣለው ፈታኝና አደገኛ ውስጣዊው የኢህዴግ ትግል ውስጥ የሁለቱ ሚና እጅግ ጉልህ ነበር።
የዛሬ ሁለት አመት እድል ገጥሞኝ በዚህ በዋሽንግተን ዲሲ ወተርጌት ሆቴል ከሁለቱም ጋር ቁጭ ብዬ በተነጋገርኩበት አጋጣሚም የተረዳሁት ነገር ይሄንኑ ነበር። ህወሃትን የታገሉት ነፍሳቸውን አስይዘው አንድ አይናቸውን ገልጠውና “ጫማቸውን ሳያወልቁ” እየተኙ እንደነበር አጫውተውኛል። በእውነትም በመልክ ባይመሳሰሉም በጣም የሚከባበሩ መንትዮች ነበር የመሰሉኝ። ታዲያ በመሃላቸው ምን ሰይጣን ገብቶ ነው በዚህ ወሳኝ ሰአት ሊለያዩና በተቃራኒ መንገድ ሊጓዙ የወሰኑት? ለነገሩ ፖለቲካ ባህሪው ውስብስብ ነው። የፖለቲካ ስትራቴጂና ያመለካከት ልዩነት ሊኖር መቻሉ እንደ ተጠበቀ ሆኖ፣ አብይና ለማን ለመለያየትና ለማቃቃር ጃዋር ብዙ ስሌት በመቀመር ያልፈነቀለው ድንጋይ አልነበረም ማለት ይቻላል።
ከዛሬ አስር አመት በፊት ጃዋር የቀድሞው ኦህዴድን ተጠቅሞ የስልጣን ኮርቻ ላይ ለመፈጣጥ ይመኝ ነበር። በኦህዴድ ካርድ ምርጫ የመወዳደር እቅዱን ሲያጋራኝ ጃዋር ገና የስታንፈርድ ዩኒቨርሲቲ ተማሪ ነበር። በወቅቱ ሃሳቡን አጣጥዬበት ነበር። ምርጫ የይስሙላ እሩጫ በሆነበት አገር፣ ለዚያውም ህወሃቶች አንደፈለጉ ሁሉን በምጋልቡበት ሜዳ ውስጥ፣ ለዛውም ተለጣፊ በሆነ የዘር ድርጅት ላይ መንጠልጠል ፈጽሞ አያዋጣም ባይ ነበርኩ። ይሁንና የጃዋር የፖለቲካ ጉዞ ከኦህዴድ ጋር በቅርብ የተቆራኘ ከመሆኑ አንጻር እቅዱ ብዙም አስገራሚ አልሆነብኝም።
ነገሩ እንዲህ ነው። የአርሲ ትንሽ ገጠራማ ከተማ በሆነችው ገለልቾ ተወልዶ ያደገው ጃዋር፣ የፖለቲካ አቡጊዳ የቆጠረው የኦህዴድ ወጣቶች ክንፍ አባል ሆኖ ነው። ስኮላርሺፕ ተሰጥቶት ሲንጋፖር የተላከው በዚያው መንገድ ነበር። ብዙ ወጣቶችንን በዙሪያው ያሰባስብ የነበረውን ግን ደግሞ “ኮራፕት” የሚለውን አባ ዱላን እንደጡት አባቱ ነበር የሚያየው። ከአባዱላና ሌሎች ከፍተኛ የኦህዴድ አመራር አባላት ጋር ፍራሽ ጎዝጉዞ በተደጋጋሚ መቃሙን በኩራት ያወራል።
ብዙ ጊዜ ጃዋር ትግሉ ከዘር ቡድንተኝነት ወጥቶ አገር አቀፍ እንዲሆን ለተደረገውን ጥረትና ምክክር ሁሉ ትልቅ ደንቃራ ነበር። ለዚህ ደግሞ ዋነኛው ምክንያት የህዝብ ስሜት ለመኮርኮር፣ እንዲሁም የራሱን አጀንዳ ለማስፈጸምና ትርፍ ለማጋበስ እንደ ዘር ፖለቲካ ምቹ ሆኖ ያገኘው ነገር አልነበረም።
አብይ የኢህአዴግ ሊቀመንበር ሆኖ ሊመረጥ እንደ ሚችል ሲረዳ ግን ያለወትሮው አክቲቪስቱን ሁሉ እየደወለና ቴክስት አየላከ በጋራ እንታገል ማለት ጀመረ። እኔም ጋር ደውሎ አብይ ስልጣን ከያዘ ኢትዮጵያ ያልቅላታል፣ መሪ መሆን ያለበት ለማ መገርሳ ነው አለ። ስለዚህም አብይ እንዳይመረጥና ጠቅላይ ሚኒስትር አንዳይሆን የተቀናጀ ዘመቻ እድንከፍትና ፕሮፓጋዳ እንድንሰራ ወተወተኝ። ነገሩ አልተዋጠልኝም። በእኔ እይታ ህወሃቶች ላይ ከውስጥ ያመጸውና ጦር ሰብቆ የተነሳው የለውጥ ሃይል በራሱ መንገድ የሚስማማውን ጠንካራ መሪ መምረጡ የህወሃቶችን ውድቀት ያፋጥናል። ለሙስሊም አክቲቪስቶች ደግሞ አብይ ጸረ ሙስሊም ነው፣ ተቃወሙ ማለቱንም ከአንድ ሙስሊም ወዳጄ ወዲያው ሰማሁ:: ሁሉም ከተሞክሮው በመነሳት የጃዋርን ድብቅ ንጉስ መራጭ (king maker) የመሆን አጀንዳ አልተቀበለውም።
ጃዋር ሰሚ ሲያጣ ኦህዴድን ለመከፋፈል ዘምቻ ከፈተ። አብይን አንደምያስቆመውና ለማን መሪ አርጎ አንደምያስመርጥ አርግጠኛ ነበር:: ይሁናና ጥረቱና የጦፈ ዘመቻው ሁሉ መክሸፉ ሲረዳ ተበሳጨ፣ ቂም ቋጠረ። ጃዋር ከከሸፈው ጸረ አብይ ዘመቻ ጀምሮ አብይ ላይ ጥርስ ነክሶ ከሥልጣ ለማስወገድ የኦህዴድ ኔትወርኩን በመጠቀም ብዙ አንቅስቃሴ ማድረጉን ውስጥ አዋቂዎች ይናገራሉ። አንዷ ከጃዋር ጋር በቅርብ የምትንቀሳቀስው ጠይባ ሃሰን ነበረች።
አብይም የጃዋርን ፍላጎትና አንቅስቃሴ ጠንቅቆ ከማወቅም በላይ በተለይ የኦሮሞን ወጣቶች በመንግስትና በሌሎች ህዝቦች ላይ ለማነሳሳት የሚያደርገው አደገኛ አንቅስቃሴ አንደማያዋጣው በተደጋጋሚ መክሮ አስመክሮታል። ጃዋር ከኔ የተሻለ ስትራቴጂስት የለም ብሎ ስለሚያስብ ያሰበው ሁሉ የሚሳካለት ይመስለው ነበር። የዘነጋው ሀቅ ግን አብይ የሕይወት ጉዞውና ተሞክሮው ፖለቲካ ብቻ አለመሆኑን ነው። እንደውም ለአብይ ስኬት ትልቅ አገዛ ያደረገለት ከልጅነቱ ጀምሮ በውትድርና ዘመኑ ከተራ ወታደርነት እስከ ኮሎኔልነት ከዚያም አልፎ በመረጃ ዘርፉ ያካበተው የዳበረ ተሞክሮና እውቀት መሆኑ ብዙም አያጠያይቅም። ውትድናና አስትራቴጂ ያንድ ሳንቲም ሁለት ገጽታዎች ናቸው። ወታደር ሆነህ በስልት የማታስብ የማትከላከልና የማታጠቃ ከሆነ ትበላለህ። ለዚህም ነው ወታደር በሰላም ጊዜ ሳይቀር ለጦርነት ሌት ተቀን የሚዘጋጀው።
የጃዋር ካልኩሌተር የተሳሰስተ ውጤት ያሳየው የነበረውም እራሱን አካብዶ አብይን አቃሎ ማትየቱና በቀላሉ እንደሚያስወግደው የተሳሰተ ድምዳሜ ላይ ስለደረሰ ነው።: አቶ ለማ መገርሳ በዚህ የጃዋር ስሌት ላይ የነበራቸው ሚና ግልጽ ባይሆንም ከጠቅላዩ ጋር ግን ሆድና ጀርባ አንዲሆኑ ጃዋር ያደርግ የበረውን ጥረት ሳያውቁ ይቀራሉ ብሎ ማመን ፈጽሞ አይቻልም። እንደሚናፈሰው ከሆነ አቶ ለማ ሳይስቡት የጃዋር ወጥመድ ውስጥ ወድቀው ከሚገባው በላይ ከማይመጥናቸው ግለሰብ ጋር ተቀራርበው ነበር።
እኔ እንኳን በበኩሌ ያገኘሁትን አጋጣሚ በመጠቀም ለሁለቱም ጃዋርን መጠንቀቅ እንዳለባቸውና መስመር ሊያሲዙት እንደሚገባ በአንጽኦ መናገሬን የሚዘነጉት አይመስለኝም። በእርግጥ እኔን በወቅቱ ያሳሰበኝ በመሃላቸው ሊገባ መቻሉ ሳይሆን በሚድያ በመታገዝ የሚያስፋፋው የጦዘ የዘርና የጥላቻ ፖለቲካ ህዝብ ያፋጃል አገር ያፈርሳል የሚል እምነት ስለነበረኝ ነው። ይሄንኑ እምነቴንም ለጃዋርም በተደጋጋሚ አንስቼለት እስኪያኮርፈኝ ድረስ በእሳት መጫወቱን እንዲያቆም ሞግቼው ነበር። የጃዋር አንዱ ድክመት እራሱን እንጂ ሌሎችን የማዳመጥ ፍላጎት ፈጽሞ የለውም።
ዶክተር አብይ ብሩህ አእምሮ ያለው፣ ቀና፣ አገሩንና ሕዝቡን የሚያከብር ባለ ትልቅ ራዕይ መሪ መሆኑ ብዙም አልጠራጠርም:: በሌላ በኩል ግን ጽንፈኞች የእነርሱን ጠባብ አጀንዳ ለማስፈጸም ስላልተመቻቸው ውለታ የተዋዋሉ ይመስል ከዳን የሚል የእዬዬ ዘመቻ ከፍተውበታል። በዘር በተከፋፈለ አገር መሪ መሆን ከባድ ፈተና መሆኑ ግልጽ ነው። በአንድ አጋጣሚ አብይ አንዳለው ሁሉም ተበደልኩ እያለ ያለቅስብሃል። የጋራ ችግርን በጋራ ፈቶ ይቺን የመከራ ምድር ወደ ፊት ለማራመድ የሚተጋ ግን በቀላሉ አይገኝም።
ህወሃቶችን ጨምሮ በበርካታ በጥባጮችና መሰሪዎች ባይከበብ ጠቅላዩ ገና ብዙ የሚያኮራ ታሪክ ሊሰራ የሚችል መሪ ነው። በተለይም ይቺን የመከራ ምድር ሊያጠፋት አፋፍ ላይ ካደረሳት የዘር ፖለቲካ በቆራጥነት ቢያወጣት ትልቅ ታሪክ ሰርቶ እንደሚያልፍ ምንም ጥርጥር የለኝም። ያለበለዚያ ግን የተባበሩት መንግስታት ሰላም አስከባሪ በመሆን በቅርበት ያየው አሳዛኙ የሩዋንዳና የብሩንዲ ታሪክ ኢትዮጵያ ላይ አስከ አሁን ካየነው አጅግ በከፋና በሚዘገንን ሁኔታ መደገሙ አይቀሬ ነው። በህዝብ ላይ በተቀናጀ መንገድ የሚረጨው የጥላቻ ፕሮፓጋንዳና የጥላቻ ቅስቀሳ ነገ የአልቂት አሳት ገሞራ ሊያፈነዳ እንደሚችል ለመተንበይ እውነታን ማገናዘባና ከታሪክ መማር በቂ ነው።
ለማና አብይም ሳይለያዩ አብረው መዝለቅ ቢችሉ መልካም ነበር። አቶ ለማ መገርሳ ኢትዮጵያን ከከባድ የጥፋት አደጋ ከታደጉ የክፉ ቀን ደራሾች አንዱ መሆናቸውን ታሪክ አይዘነጋውም። ህዝባቸውና አገራቸውን የሚወዱ አስተዋይ ሰው ናቸው። እንዳሉትም ነፍሳቸውን አስይዘው ከአውሬዎች ጋር ተፋልመው አገርን ከከባድ ጥፋትና እልቂት አትርፈዋል። የትም ቢሄዱ ይህንን ሃቅ ምን ጊዜም ልንዘነጋው አይገባም።
ጃዋር “ካልኩሌተሩን የሰራነው እኛ ነን” እያለ በተሳሰተ የትቢት ስሌት እራሱን በቀላሉ ከማይወጣበት ቅርቃር ውስጥ በመክተቱ የሚወቀስ ካለ ጃዋር ብቻ ነው። በእራሱ ተደጋጋሚ ስህ ተ ያረጋገጠው ሃቅ ሰራሁት ያለው “የሁለተኛው መንግስት” ካልኩሌተር ገና ከጅምሩ ብልሹና ሰባራ ስለነበር ያሳየው የነበረው ውጤትም እጅግ የተሳሰተ ነበር።
በእሳት መጫዎት ሁሌም አደጋ አለው። አንድ ሰው የማኪያቬሊን መርሆዎች ማንበቡና ከልብ መቀበሉ ብቻውን በአደገኛው የፖለቲካ ቁማር ማንንም ሁሌ አሸናፊ አድርጎ አያውቅም። ማኪያቬሊ መስፍኑ (The Prince) በተባለው መጽሃፉ እንዲህም ብሎ ጽፎ ነበር፤ “The lion cannot protect himself from traps, and the fox cannot defend himself from wolves. One must therefore be a fox to recognize traps, and a lion to frighten wolves.”
“አንበሳ እራሱን ከወጥመድ መጠበቅ አይችልም፤ ቀበሮ ደግሞ እራሱን ከተኩላዎች መከላከል ይሳነዋል። ስለዚህም አንድ ሰው እንደ ቀበሮ ወጥመድ መለየት የሚችል፣ እንደ አንበሳ በተኩላዎች የሚያስፈራ መሆን ይገባዋል፤” ነበር ጣሊያናዊው ኒኮሎ ማኪያቬሊ ያለው።
ለማንኛውም በዚህ አጋጣሚ ለጠቅላዩ መልካም ልደት መመኘት እወዳለሁ። ሻሎም!
አበበ ገላው
አበበ ገላው

5 Comments

  1. አበበ ገላው ለእውነትና ለኢትዮጵያ አንድነት ሁልጊዜም ዝም አትልም:: ዐቢይ አሕመድ ድንቅ መሪ ነው:: የወያኔን 2 አመታት ጦርነት እየበጣጠሰ ህውሀትም የመጨረሻ መቀበሪያ ጉድጏዱን እየቆፈረ ዐቢይና ኢትዮጵያ በአሸናፊነት ይወጣሉ:: ፅንፈኞች የህዝብ ቅቡልነት የሌላቸው የበታችነት ልክፍት ያልወጡና ያልሰለጠኑ ዘመኑን የማይመጥኑ ናቸው::

  2. ልጅ አበበ ገላው ክብር ላንተ ስለአለኝና በዛ የህውሃት አስከፊ ዘመናት ስለአደረከው ተጋድሎ እናም እሳትን በማጠናከርና መርዳት ከአካልም በመገናኘት ሀሳቦችን በመለዋወጥና በማስተባበር ደረጃ ሁላችንም በአንድ ላይ ሆነን አኩሪ ታሪክን ስርተናል::ቢሆንም ጠቅላይ ሚንስትሪን የገለፅክበት መንገድ ግን አልስማማም!ለምን በተለይም በኦሮምያ ክልልና በአዲስአበባ ጉዳይ እየሆነ ያለውን ሁላችንም እየስማን እያየንም እያስተዋልን ስለሆነ!ሰሞኑንም የኦሮምያ ፕሬዘዳንት ከ7 ወራት በፊት የተናገሩት በምናብ ሳይሆን እየስሩበት ያለውን እንቅጩን ነግረውናል:;:በዚህም አብይም ለማም ጁሀርም በመርህ ደረጃ ይስማማሉ!ዋናው ወጣቱን መሪ አብይን ትምህርታቸውን ሳይጨርሱ ህውሀት ባቆቆመው iodine የተቀላቀሉበት ጉዳይም ይህው ነበር::ሶስቱም በአንድ ገበታ ይበሉ የነበሩ ናቸው;;የሚለያዩትም በመርህ ደረጃ ሳይሆን በአፈፃፀም ደረጃ ነው::ለዥዚህምሩቅ ማየት ሳያስፈልገን የአቶ ሽመልስ ንግግር ነው::ይህም የኦሮሞንብፅግናን በሊቀመንበርነት የሚመሩት ዶር አብይ መሆንቸውን መዘንጋት ከእርሳቸው እውቅና ውጭ ምንም የሚሆን ነገር የለምና!!ሌላው ትንሽዋ ማስረጃ የባለደራስ መቆቆም ትልቅ ራስምታትና እንቅፋትስለሆነባቸው አንተም እንደምታውቀው ባለደራስን ለማጥፋት የሄዱበት ርቀትና በስተመጨረሻው እንደ ክርስቶስ በሀስት መወንጀልን ማስር ብሎም ከመጋረጃ ጀርባ ምስክርን ማጤን እንዲሁም ጁሀርን ከማቆቆም እስከ 56ሚልየን ብር እርዶታ ጥበቃና የሀረር ላይ ድስኩር ‘እስኮርት ጎማ’ ድጋፍ ንግግር ይታከልበት!በእርግጠኝነት ጁሀር ቄሮን በማስተባበር በበለም ደረጃ የሚያስከስስ ወንጅልና ጥድፍያ መነሻነት ነው::
    ስሞኑንም በኦሮምያ ችግር ላይ የወደቁትን ከማቆቆም ይልቅ ስለፓርክ እየነገሩንና ቅድምያ የሱጥ ያለው ተጎጅዎቹ ባልሳሳት ክልሉን እንዲለቁ ስለሚፈልጉ ነው!የሀዘን መግለኛ እንኮን አለማስማታቸውና ለአንድ አጫሉ ያንያህል ትንግርት አስፈላግ ሆኖ አልነበረም!እናም እየተስተዋለ ለማለፈልጌ ነው!!ይልቅ ለእስክንድር ፍትህ ብትጮህ ዋጋህ ክብደት አለው!!!

  3. Sooner or later Jawar will walk free with his head held up high because Jawar is innocent , many people are jealous of him especially Bekele Gerba is jealous of Jawar since Jawar became Oromo by merit , With Jawar dedicating himself to work closely with Abiy and Lemma in many timely sensitive issues such as the Oromo’s questions which Bekele Gerba did not get a chance to discuss with the governmental Oromo elites in a caliber Jawar did address. Abiy knows perfectly that Jawar’s only crime is giving permission to Lemma Megersa to install a generator and satellite security system in Jawar’s residence. Besides that Jawar is a victim taken hostge by a mob of Querro Oromos led by Bekele Gerba who were ready to kill him for being Amara by birth, to save his life from Bekele Gerba in a desperate move Jawar run into Prosperity Party’s office in Addis Ababa because Jawar knew no police or other governmental security were trying to rescue Hachalu Hundessa’s body or no other securities were trying to save him from the Querro mob who took him hostage along with the corpse of Hachalu Hundessa. The Querro led by the Oromo Bekele Gerba tried to capture Jawar but Jawar managed to hide inside the Prosperity Party’s Addis Ababa office.

    Lemma signed the order to install a home security satellite alarm system which the Federal Government security details can use to easily monitor “Jawar’s safety” so if possessing these satellite in a residence is a huge crime it is Lemma who is responsible for allowing that , not the unsuspecting victim Jawar Mohammed who cooperated with the federal government’s request to get install the satellite in his home.

ሀሃሳብ እና አስተያትዎን ይስጡ

Your email address will not be published.