ኢንተር ኔትን በመዝጋት ገቢን መቀነሥ፣ ወይሥ የህግ የበላይነትን ማንገሥ? – መኮንን ሻውል ወልደጊዮርጊስ

YOU have not controlled it.

That is what has brought you here. You are here because you have failed in humility, in self-discipline. You would not make the act of submission which is the price of sanity . You preferred to be a lunatic, a minority of one. Only the disciplined mind can see reality, Winston. You believe that reality is something objective, external, existing in its own right. You also believe that the nature of reality is self-evident. When you delude yourself into thinking that you see something, you assume that everyone else sees the same thing as you. But I tell you, Winston, that reality is not ex-ternal. Reality exists in the human mind, and nowhere else.

Not in the individual mind, which can make mistakes, and in any case soon perishes: only in the mind of the Party, which is collective and immortal. Whatever the Party holds to be the truth, is truth. It is impossible to see reality except by looking through the eyes of the Party. That is the fact that you have got to relearn, Winston. It needs an act of self-destruction, an effort of the will. You must humble yourself before you can become sane.’

( ይህ 1984 ከተሰኘ የጆርጅ ኦርዌል ድርሰት ከገፅ 314 የተወሰደ ቁፅል ታሪክ ነው።ይህ ቁንፅል ታሪክ አንድ ፓርቲ “በቢግ ብራዘር” ሥም ምን ያህል የግለሰቦችን አጠቃላይ እንቅሥቃሴ ለመቆጣጠር እንደሚፈልግ እና አፈንጋጮችንም እንዴት እንደሚያሰቃይ ያሳየናል።ይህ የእንግሊዛዊ ደራሲ እየታ ወይም ከገሃዱ ዓለም የተቀዳ ልቦለድ ፅሑፍ ነው።በእኛም ሀገር፣አንድ ለአምሥት የተባለው ፓለቲካዊ  አደረጃጀትም ነፃነትህን የሚያሳጣ የኢህአዴግ አደረጃጀት ነበር።ምክንያቱም ‘ሀለት ሲደመር ሁለት አምሥት ነው። ‘ብለህ እንድታምን ያሥገድድሃልና።.!የዚህን መፅሐፍ የአማርኛ ትርጉም” ሙሉቀን ታሪኩ” ከተረጎመው እና ገብያ ላይ ከዋለው የአማርኛ መፅሐፍ ማግኘት ትችላላችሁ።)

Internetየኢንተርኔት አገልግሎትን መዝጋት ወይሥ የህግ የበላይነትን ማንገሥ? ጥያቄው ይኽ ነው።ይህንን ጥያቄ በተገቢው መንገድ ለመመለሥ መንግሥት ህዝብ የሚፈልገውን ዓይነት መሆን ይጠበቅበታል።በመንግሥት መዋቅር ውሥጥ የሚሰሩ፣በተለይም፣በህግ አሥከባሪና ህግ አሥፈፃሚ ውሥጥ ያሉ የመንግሥት ከፍተኛ መዋቅር አባላት፣ህግ የእነሱ የበታች መሆኑን የሚያምኑ እና ህሊና ቢስ የሆኑ ጎሰኛ፣መንደርተኛ እና ሆዳሞች ከሆኑ፣ህዝብን ማሳዘናቸው አይቀርም።

ኢንተርኔት የተዘጋው ከውዱና ጀግናው  ኢትዮጵያዊ ድምፃዊ ከሃጫሉ ሁንዴሳ ሞት ጋር ተገናኝቶ በኦሮሚያ አንዳንድ ከተሞች እና በአዲስ አበባ የተቁሰቆሰው የጥፋት እሳት እንዳይቀጣጠል እና ብዙ ጥፋት እንዳያደርስ ተሥቦ መሆኑ ይገባኛል።ይሁን እንጂ ለህገመንግሥቱ እና ለሙያው ተገዢ የሆነ የፖሊስ እና የህግ ባለሙያ በኢፌዴሪ መንግሥት በኦሮሚያ ክልልላዊ መንግሥት ሥር በየዞኑ ከተማ ሥንት ነው? በተለይም በከፍተኛ እና በመካከለኛ አመራር ላይ ያሉ ምን ያህል ለሙያቸው እና ቀኃላፊነት ለተቀመጡበት ለህዝብ ወንበር ታማኝ ናቸው?ከቶስ  “ምናባታቸውስና?!” በማለት ፣ህዝብ ያለሃጥያቱ በሚዘገንን ጭካኔ ሲገደልና ንብረቱ ሲወድም ፣እንደማንም አልፎሄያጅ ወይም እንደ መድረክ ድራማ ወይም እንደ ሲኒማ ቆመው መመልከት ነበረባቸውን?

ይህም ጥያቄ ከህግ የበላይነት ጋር አብሮ የሚመለስ ነው የሚሆነው።መጥራት ካለበት ዛሬ ሁሉም ነገር ጥርት ማለት አለበት።አውቀውም ሆነ ባለማወቅ ኢትዮጵያን ለማረድ ቢላየውን ሞርደው የተነሱ ሁላ በህግ ቁጥጥር ሥር ውለው ፣ሊታረሙ ይገባል።

ተጨማሪ ያንብቡ:  የኦሮሚያ ክልላዊ መንግሥት፣ የኦህዴድ ብልፅግና ቄሮመር የዘርና የሃይማኖት ሽብር ይቁም!! - ፀ/ት ፂዮን ዘማርያም

ይህንን የእርምት እርምጃ መንግሥት ለመውሰድ የሚችለውም በፊደራልና በክልል መንግሥታት ደረጃ፣የበቁ፣የነቁ፣ህሊና ያላቸውን፣የሱስ ባርያ ያልሆኑ እና ፈጣሪን የሚፈሩ ዜጎችን በማወዳደር በከፍተኛ አመራር ሥፈራ ሲቀመጡ ነው።እርግጥ ነው ፣ከትግራይ ክልል ውጪ ዛሬ የተሟላም ባይሆን ለህሊናው የተገዛ የሥጋ፣የአረቄና የጫት ባርያ ያልሆነ፣ኃላፊ በየክልሉ መኖሩ ባይካድም፣የጀግናው  የድምፃዊ የሃጫሉ ሁንዴሳ ሞት ያጋለጣቸው፣ህሊና ቢስ ከፍተኛ፣መካከለኛ እና ዝቅተኛ አመራሮች እንዲሁም ህግ አሥከባሪዎችም በዛው ልክ መኖራቸው ይፋ ሆኖል።የህ የሚያሳብቀው የህግ የበላይነት በተሞላ መልኩ አለመኖሩን ነው።

በላፉት ሁለት ዓመታት ኢትዮጵያ ውሥጥ ፣ግለሰቦች አሥፈሪ የሆነ፣በገሃዱ ዓለም የሚከወን ፊልም እንዲሰሩ ተፈቅዶላቸው ነበር።ይህ  አገር ማንም እየተነሳ፣እሥታሎን፣ ቫንዳም እና ሻዋዚንገር መሆን ብቻ ሳይሆን የማፍያ ቡድን አቋቁሞ የሚፈራበት ሀገር ሆኖ ነበር።እንደ ጡት አባትም በመሆን በፓርቲ፣እና በነፃ አወጪ ሥም የማፍያ  አልቃይዳዊ  ተግባር እንዲፈፀም ቀጥተኛ ትእዛዝ ሲሰጥ ነበር።

መንግሥት፣እነዚህን ህገ ወጥ ግለሰቦች ከውሥጡ አራግፎ ፣የህግ የበላይነትን በተሟላ መልኩ  ማሥከበር የሚችለው ፣የህግ የበላይነትን የሚያረጋግጡ፣ህገወጦች የሚፈሯቸው  ተቋማትን ፣ በቃትና አቅም ባላቸው ኃቀኛ ዜጎች እንዲመሩ ሲያደርግ ነው። ህግ አሥከባሪ ተቋማቱ፣ህግ፣ የማሥከበር አቅምና ቁመና የሚኖራቸውም ኃቀኞች በህግ ማሥከበር ሥራ ከተሠማሩ ብቻ ነው።

ከዚህ አንፃር የለውጥ ኃይሉ ከጫፍ እሥከጫፍ  ፣የተቀየረ ባለመሆኑ እና በተለየም በየክልሉ ፣ከህግ ይልቅ ለጥቅም የሚገዙ ግለሰቦችን በባለሥልጣንነት እቅፎ ሥለነበረ ፣ባለፈው ሁለት ዓመት እዛና እዚህ ፍትህ ከግለሰቦች ጫማ ሥር ወድቃ  አይተናታል።

በአሣዛኛና አሳፋሪ መልኩ፣ህግን ለማሥከበር የማሉ፣የተገዘቱ ህግ አሥከባሪዎች ከህግ በላይ በመሆን ህሊናቸውን ሽጠው የጎሣ ና የወንዝ ልጅነት ካባ በመልበሥ ዜጎችን ሲበድሉ፣ህይወትና ንብረት ሲያሳጡ  ያሥተዋልነውም በዚህ ምክንያት ነው።

ይህ ፣ ባለፉት ሁለት ዓመት እሥከ ሰኔ 23/2012 ዓ/ም በገሃድ የታየ እውነት ነው።  ዛሬም በለውጥ ኃይሉ ውሥጥ ለሀገር እድገት የሚበጅ ተግባራትን የሚያደናቅፉ ፀረ ፍትህ ኃይሎች “የሉም።”ብሎ መደምደም ከቶም አይቻልም።

ድምዳሜ ላይ ያደረሠንም ፣ከህግ በላይ የሆኑ ድርጊት ማሳያ   ምሳሌዎች ዛሬም መኖራቸውን የሚያመለክቱ አሣፋሪ፣አሣዛኝና በጭካኔ የተሞሉ ድርጊቶች ፣በአንዳንድ ክልል ከተሞች ሥለምናሥተውል ነው።

ባለፉት ሁለት ዓመታት የሽብርተኞች እንቅሰቃሴ እና የበዛ የህግ ንቀት በዴሞክራሲ ካባ ተሸፍኖ ሲፈፀም አሥተውለናል።ይህ ሸፍጥ ጊዜ፣ቦታ፣እና ሁኔታን በመምረጥ በተጠና ሥልት ሲተገበር መንግሥት ተመጣጣኝ እርምጃ ያለወሰደውም  ፣ የህግ የበላይነትን የሚያገዝፉ ተቋማት በወጉ ሥላልተገነቡ ነው።

በዚህም ሰበብ ፣ የህግ የበላይነት ለማሥከበር ባለሠቻሉ፣ በዴሞክራሲ ሥም፣በነገድ ፣በጎሳ ፣በኃይማኖት ፣ሥም፣አያሌ  የሰብአዊ መብት ጥሰቶች፣የንብረትና የህይወት ውድመቶች፣ባለፉት ሁለት ዓመታት ውሥጥ    በተደጋጋሚ ተፈፅሞዋል ።

ባለፉት ሁለት ዓመታት ፣ግለሰቦች፣በነፃ አውጪ ሥም ፣ዛሬም በ21ኛው የሉልነት እና ዓለምን አንድ የማድረግ ዘመን፣ የግል ጥቅማቸውን ለማሥቀጠል እና ተጨማሪ ጥቅም ለማግኘት ሲሉ ፣በሚሸርቡት ህቡ ሴራ፣አያሌ ሰብአዊና ቁሳዊ ጥፋት በሠላማዊ ዜጎች ላይ ደርሷል ።

ይህ ሁሉ ጥፋት የደረሰው፣ መንግሥት ሆደ ሰፊዎች፣አሥተዋዮች፣ቅኖች፣ለዜጋ ተቆርቋሪዎች፣ሀገር ወዳዶች፣ለነገ ትውልድ አሳቢዎቾ ባልበዙበት ሀገር፣ሆደ ሰፊነትን ፣ይቅር ባይነትን፣ፍቅርን ፣አንድነትን በመሥበኩ እና  ያልጠራ መደመርን በመምረጡ ና የህግ የበላይነትን ማግዘፍ ባለመቻሉ ነው ። ያ ሁሉ ሰቆቃ በየጊዜው በህዝብ ላይ ከህግ በላይ የሆኑ ግለሰቦች፣በቡድን ካባ ውሥጥ ተደብቀው የፈፀሙት በየጊዜው ተፈፅሟል ። “ቤት ይቃጠላል ።ህዝብ ይፈናቀላል ።ነፍሥ ይጠፋል።”እያልን ኡ!ኡ!ሥንል ሰሚ በማጣታችን የሰኔ 23/2012 ለዘላለም ከህሊና የማይጠፋ ግድያ ተፈፅሟል።(የዚህ ፀሐፊ ተከታታይ ፅሑፎችን ከዚሁ ድረ ገፅ ወደ ኋላ ሄዶ ማንበብ ይቻላል።)

ኢትዮጵያ ከሌለች ዛሬ የሚቀናጡበት ፣የሚምነሸነሹበት፣ የሚፈላሱበት፣አሥረሽምቺው ፣ወዘተ።የሚሉበት ጥግ እንኳ እንደማይኖራቸው  እንኳ ያልተገነዘቡ ፣ህሊና ቢሶች፣ነገም ከሴጣን የበለጠ ሴጣን ለመሆን እንደሚችሉ መገንዘብ ያስፈልጋል።በአናቱ ደግሞ፣ በጫት፣በአረቄ፣በሃሺሽ የደነዘዘ ህግ አሥከባሪ ፣ በከፍተኛውና በመካከለኛው አመራር ላይ ከተቀመጠ፣ ህግ በአፍጢሞ መደፋቷ አይቀርም።(….)

ተጨማሪ ያንብቡ:  [በሚኒሶታው ደብረሰላም መድሃኔዓለም ቤ/ክ] ያየሁትን ልመስክር

እንግዲህ ከላይ ባቀረብኩት ሃሳብ መሠረት፣ ኢንቴርኔት የተዘጋው፣ከህግ በታች የሆነ፣ጠንካራ መዋቅር ባለመኖሩ፣ከህግ በላይ ሆነው የሚያቧችሩትን፣የሚሳደቡትን፣የሚደበድቡትን፣የሚያወድሙትን፣የሚያቃጥሉትን፣በጭካኔ የሚገድሉትን፣የሚሰርቁትን፣የሚዘርፉትን፣የሐሰት ፕሮፖጋንዳ በመንዛት ህዝብን የሚያሸብሩትን ወዘተ።በተጠናከረ መረጃ ህግ ፊት ማቆም ባለመቻሉ ነው።ብለን መደምደም እንችላለን ።

ይህም ብቻ አይደለም ጠንካራ የመንግሥት የፕሬሥ መዋቅር ባለመኖሩ፣የፀረ ኢትዮጵያ ኃይሎችን ፕሮፓጋንዳን የሚያከሽፍ እውነተኛ መረጃ በተከታታይነት ባለመቅረቡም ጭምር ነው፣በህዝቦች መካከል ጥርጣሪ የሚፈጥሩ ሐሰተኛ መረጃዎች  ነግሠው ፣እነዚህን ሀገር አውዴሚ ፕሮፖጋንዳዎች መንግሥት የሚቀለብሥበት ጠንካራ የፕሬሥ ተቋም ሥለሌለው ኢንቴርነትን ዘግቶ ኢኮኖሚያዊ ኪሳራን የመረጠው ።ለማለትም እንችላለን ።

የኢትዮጵያ መንግሥት በአሥረአንደኛው ሰዓት ይህንን ሃቅ ተገንዝቦ፣የፀረ-ኢትዮጵያ ኃይሎች ፣ቢላዋ ሥለት አይምሬ መሆኑን  ፣በውል ተረድቶ፣ህግ  ከሁሉም ሰው በላይ መሆኑን በተግባር ለማረጋገጥ” ሀ ” ብሎ መጀመሩ የሚያስመሰግነው ቢሆንም፣በመዘግየቱ ግን ዜጎችን አላሥፈላጊ መሥዕዋትነት እንዲከፍሉ ማድረጉን ልብ ሊል ይገባል።

ለወደፊቱም የህግ የበላይነት በምንም መልኩ በይቅርታ የማይሸረሸር ሆኖ መፈፀም አለበት።ይህም ማለት ህግ የጣሱ በህግ አግባብ፣በነፃ ፍርድ ቤት፣በግልፅ ችሎት ቀርበው፣መረጃ እና መሥረጃ ቀርቦባቸው፣ሊታረሙ ይገባቸዋል።ዜጎች በሃሰተኛ ክሥና መሥክሮችም መብታቸው እንዳይጣሥና የፍትህ ንፅህናዋ እንዳይጎድፍ አቃብያን ህጎች እና ዳኞች ራሳቸው፣ለህግ ተገዢ በመሆን፣ የህግ የበላይነትን ሊያከብሩ ይገባቸዋል።

ህግ አሥከባሪዎቹ በሚታይ ተግባራዊ ድርጊት ና በየዕለት ሥራቸው  ለሀገሪቱ ህግ ተገዢ መሆናቸውን ካረጋገጡ፣   በሀገራችን የህግ የበላይነት ሳይቀባባ በእውነት ተከብሯል ማለት እንችላለንን ።የህግ የበላይነት በኢትዮጵያ ውሥጥ መግዘፉን እነዚህ የፍትህ ተቋማት በተግባር ካረጋገጡ ደግሞ ኢንተርኔትን መዝጋት አሥፈላጊ አይሆንም ።

ኢንተር ኔትን በመዝጋት፣የህግ የበላይነትን እና ዘላቂ ሰላምን እውን ማድሰግ ከቶም  አይቻለም።ኢንተርኔትን መዝጋት የእያንዳንዱን ዜጋ  ፣አፍ  እንደመዝጋትም ይቆጠራል።ይህም በመሆኑ ሃሰተኛ ወሬዎች በሥልክ ና በአሉባልታ፣ በከፍተኛ ፍጥነት ይራገባሉ።(አሉባልታ ና አይጥ ደመትን በላች የሚል የውሸት ወሬ፣ ከፊሥ ቡክ የባሰ አውዳሚ ነው።)

መንግሥት ኢንተርኔትን ከሚዘጋ ይልቅ በእጁ ያሉት ሚዲያዎች ለ90%ፐርሰንቱ አሥተዋይ ዜጋ፣በአንድ አይነት ፊት፣ተመሣሣይ ወሬ ከሚያቀርቡለትና አርቲ ቡርታ ምሥል ከሚያሳዩት ወደህዝቡ ወረደው የእውነት ሃሳብን ያንሸራሽሩ ።

ምንም ሳይወግኑ(እነሱም ከህግ በታች መሆናቸውን ተገንዝበው የህዝቡን ሃሳብ ያቅርቡ።”ህዝቡ ምን ይላል ወይም የዜጎች ሃሳብ “ወዘቸ።በማለት።

በኢቲቪ መዝናኛ እንደሚቀርበው፣እንደውሎና አዳር ፕሮግራም (እሱ ፕሮግራም በኢቲቪ ዋናው ጣብያ መቅረብ የሚገባው የገጠርን ህይወት የሚያሳይ …እግረ መንገድም ሌሎች ፕሮግራሞች ሊሰሩበት የሚገባ ነበር።በፕሮግራሙ   ልዩ ልዩ ባህሉን ጭምር ማቅረብ ይቻል ነበር።የማያልቅ ሰፊ ፕሮግራምም ሥለሆነ ሊበረታታ ይገባል)

በአጠቃላይ ፣ሰው ሰው፣የሚሸት ፕሮግራም ማቅረብ ይቻል ነበር። ኢቲቪም ሆነ ሌሎች የመገናኛ ብዙሃኖች፣ “ስንዴ እና ሽንኩርት ከውጪ በውጪ ምንዛሬ መግዛት ፣በራሱ ሀገራዊ ውርደት ነው።ሰፋፊ እርሻዎችን መንግሥት በግንባር ቀደምትነት በማልማት ፣ሥራአጡን ፣በዚህ መሥክ በማሠማራት ታላቅ ለውጥ ማምጣት ይችላል። ከመንግሥት ጋር በመቀናጀት የሀገር ውሥጥ ባለሀብቶች ሰፋፊ የእርሻ ልማትን በመፍጠር ፣ከገዢነት ወደ ሻጪነት መሸጋገር እንችላለን ። የመሥኖ ለማቶች በየክልሉ እንዲሥፋፋ የሚያሥችል የግብርና ፓሊሲ ያሥፈልገናል።  በምግብ ነክ ምርቶች ራሳችንን እንድንችል አይነተኛ እገዛ  ከመንግሥት ይጠበቃል።። ሽንኩርትና ሥንዴ ከውጪ ማሥገባት ለእኛ ሼም ነው።” ማለት ነበረባቸው።

ኢቲቪ ከተጋረደበት አይነ ጥላ ገና አልተላቀቀም እንጂ መንግሥት ጠንካራ እንዲሆን ተጨማሪ ጉልበት የሚሆን ሃሳብ ያላቸውን፣ሲናገሩ ለነገ የማይሉትን ምሁራኖች በመጋበዝ “የሃሳብ ውድማ” የሚል መድረክ አዘጋጅቶ የተለያየ ሃሳብ ያላቸውን አሞግቶ ፍርዱን ለተመልካች በመተው እና የተመልካች አሥተያየትን ፣ቀንጨብ አድርጎ በማቅረብ በህዝቡ ውሥጥ ያለውን አመለካከት መንግሥት እንዲያውቅ ያግዙት  ነበር።

ተጨማሪ ያንብቡ:  አራት ቀጣይ የኢትዮጵያ ህዝብ የትግል ምዕራፎች

ወደፊት ግልፅ ውይይቶች፣ክርክሮች እና የህዝብ መድረኳች ፣በኢቲቪ ሊሥተናገዱ ከቻሉ፣የዜጎችን ንቃተ ህሊና በቀላሉ ማሳደግ ሥለሚቻል ኢንተርኔት መዝጋት ላያሥፈልግ ይችላል።በይበልጥ ግን በኢትዮጵያ ውሥጥ ከቋንቋ ይልቅ ዜጎችን በሙሉ ፣ያለልዩነት የሚያነግሥ ሥርዓት ከተፈጠረ ኢንተርኔት የሚዘጋበት ምክንያት አይኖርም።

በኢትዮጵያ ውሥጥ ዜጎችን የሚያነግሥ ሥርዓትን ማሥፈን የሚቻለው ግን  በህግ የበላይነት በቻ ና ብቻ መሆኑ ግን መታወቅ አለበት።በዚች ሀገር ህግ እንጂ ቋንቋ የበላይ እና የበታች መሆን የለበትም።የትኛውም ቋንቋ የሌላው ቋንቋ የበላይ ሊሆን ከቶም አይችልም።ቋንቋው መግባብያ በመሆኑ በኢትዮጵያ ውሥጥ ያሉትን ቋንቋዎች ሁሉ ብናውቅ ተጠቃሚዎቹ ራሳችን በመሆናችን ለማወቅ መትጋት ነው ያለብን እንጂ ቋንቋን ማንኳስስ የለብንም።የምናኳስስም ሰዎች ካለንም፣ ምን ያህል ደንቆሮ መሆናችንን ከማሳበቅ የዘለለ ፋይዳ አናመጣም።

ሁሉም ሰው፣በአፍ መፍቻ ቋንቋው እየኮራ፣ተጨማሪ አንድ ቋንቋ ለማወቅ እንዲጥር፣ ህዝብን የማንቃት ሥራ ከመገናኛ ብዙሃን ይጠበቃል።እንዲህ ካደረግን፣  ሰው፣ ሰው በመሆኑ ብቻ ፣መቀራረቡን፣መተሳሰሩን እና መዛመዱን በማጎልበት ፣በሀገራችን የምንፈልገው አንድነትና ፍቅር እንዲመጣ ከማድረጋችንም በላይ፣ሚዛናዊ የሆነ እድገት በየከተሞቻችን እንዲከሰት እና ልጆቻችን ሰርተው እንዲለወጡ የሚያደርግ የተመቻቸ ፖለቲካል ኢኮኖሚ እንፈጥራለን።ለዜጎች ሁሉ በእኩልነት  የምትደላ ኢትዮጵያ የምንፈጥረው ግን ማንም ሰው ከህግ በታች መሆኑ ሲረጋገጥ ነው።

ይህንን የህግ የበላይነትን የሚያገዝፍ ጠንካራ ሥርዓት በመፍጠር  የመናገር፣የመፃፍ፣ሰላማዊ ሰልፍ የማድረግ፣የመምረጥና ፣የመመረጥ፣የመደራጀት፣ንብረት የማፍራት፣በሀገራችን ተዟዙረን የመሥራት መብት፣ ወዘተ ። እንዲከበርልን ማድረግ የምንችለውም ራሳችን ዜጎች ነን ።ዜጎች መብታችንን እና ግዴታችንን ተገንዝበን ከህግ በታች መሆናችንን በተግባር ካረጋገጥን እና መንግሥትም በአዋጅ ከተሰጠው  ኃላፊነት እና ህግን በተገቢው መንገድ ከማሥከበር ሥልጣን ውጪ፣ከህግ በላይ ነኝ ብሎ ፀያፍ ድርጊት እሥካልፈፀመ ድረሥ ፣የዚች ሀገር ሰላም አሥተማማኝ ሆኖ ይቀጥላል።ይህንን መልካም ሥርዓት ለማምጣት የለውጡ መንግሥት ፣መዋቅራዊ ለውጥ ለማምጣት ሌት ተቀን መሥራት መጀመሩ የሚያሥመሰግነው ቢሆንም፣ኢንቴርኔትን ከሦሥት ቀን ውጪ መዝጋት ተገቢ አይመሥለኝም።ቅምዝምዙ ካለፈ በኋላ ማጎንበሥ ለምን አሥፈለገ?

መንግሥት ቅዝምዝሙ ካለፈ በኋላም ከኢንተርኔት  አንፃር አጎንብሶ መቆየቱ ተገቢ አይደለም።በአንድ ቀን እንኳን ኢትዮጵያ ከቴሌ የምታጣውን ሚሊዮኖች ብሮች እናውቃለን።መንግሥት ለልማት 447 ቢሊዮን ብር በጀትኩ እያለ፣ብር አላቢውን ቴሌን ለሁለት ሣምንት መዝጋቱ ፈፅሞ ተገቢ አይደለም።መንግሥት በኢትዮጵያ ውሥጥ ሁሉ የህግ የበላይነት እንዲከበር ራሳቸውን ከህግ በላይ ባደረጉ የማፍያ ቡድኖች ሁሉ ላይ የማያዳግም እርምጃ እወስዳለሁ ብሎ በሬዲዮ እና በቴሌቭዥን መናገሩ ብቻ ሠላማዊውን ሰው ከመንግሥት ጎን ያሠልፈዋል።ተከፋዩ ማፍያ ብቻ ነው መሣሪያውን ይዞ ሥለተከፈለው  ሰላምን ለማደፍረስ ሲቃጣ ብህዝብ ወዲያው የሚጋለጠው።ማንም ካልተከፈለው፣በእሳት ለመጫወት ወደ አደባባይ እንደማይወጣ ግን መታወቅ አለበት።

እናም በኢትዮጵያ ውሥጥ፣የነፃነት፣የሰላም፣የሰብዓዊ መብት መከበር ፣የዴሞክራሲ ሥርዓት መሥፈን፣የፍትህ መንገሥ እውን ከሆነ ፤ የዜጎች እኩልነት ያለአድሎ መረጋገጥ እሥከቻለና ፣የህግ የበላይነት ተግባራዊ እሥከሆነ ድረሥ፣መሠረታዊ መብቶችን መገደብ አሥፈላጊ አይሆንም። መንግሥት ኢንተርኔትን ከመዝጋት ይልቅ በሁሉም ክልሎች መዋቅራዊ ለውጥ በማምጣት የህግ የበላይነትን በማንገሥ ፣ሠላሙን የበለጠ አሥተማማኝ ያድርግ። ዜጎች ሁሉ፣ከተራው ዜጋ እሥከ ጠቅላይ ሚኒሥቴሩ ድረሥ ከህግ በታች እንደሆኑ በተግባር ይታይ። ያለ ጣልቃ ገብነት የሚሠራ ህግ አሥፈፃሚ ፣በየክልሉ እንዲዋቀር ይሥራ። ሀግ የበላይ እንደሆነ ካረጋገጠ ና  ዜጎች ፊታቸውን ወደ ሥራ እንዲያዞሩ የሥራ እድሎች እንዲፈጠሩ በብርቱ ከጣረ ፣  የዜጎችን መሰረታዊ መብት የሚገድብብት ምክንያት አይኖረውም።

 

 

ሀሃሳብ እና አስተያትዎን ይስጡ

Your email address will not be published.