ለኢትዮጵያውያን በሙሉ ወገን አድን ልዩ ጥሪ: ስለ ታገቱት ሴቶች ልጆቻችን ዝም አንልም

women1  ለኢትዮጵያውያን በሙሉ ወገን አድን ልዩ ጥሪ: ስለ ታገቱት ሴቶች ልጆቻችን ዝም አንልም አለም አቀፍ የኢትዮጵያ ሴቶች ድርጅት ሰሞኑን ድምጻዊ ሀጫሉ ሁንዴሳ ግድያን አስከትሎ በአገራችን ኢትዮጵያ በተከሰተው አሳዛኝና አሰቃቂ ድርጊት ውድ ህይወታቸውን ላጡት በግፍ ስልተገደሉትና ስለተጨፈጨፉት ኢትዮጵያውያን ወገኖችች በሞላ የተሰማንን ጥልቅ ሀዘን እንገልጻለን፤ ድርጊቱንም አጥብቀን እናወግዛለን፣ ወንጀሎኞች ለፍርድ እንዲቀርቡ እንጠይቃለን፡፡ የኢትዮጵያ ህዝብ ጸርና ጠንቅ የሆነውን የወያኔን የጎሳ ክልል ስርአት ለማስወገድ የተደረገው የለውጥ ትግል ተጠልፎና ተቀልብሶ፣ አንዱን ጸረ ኢትዮጵያ የጎሳ መንግስት (የወያኔ/ኢህደግ)በሌላ የጎሳ መንግስት (ኦነግ/ብልጽገና) በመተካት ህዝብን ለእልቂት የሚዳርገን አጥፊ ነባራዊ እውነታ ላይ እንድንገኝ ሆነናል፡፡ በአሁኑ ጊዜ በተለያዩ የኢትዮጵያ ክፍለ ከተማዎች፣ በአዲስ አበባ፣ በሀረር፣ በሻሸመኔ፣ በድሬዳዋ፣ በአርሲ ነገሌ በዝዋይ በባሌ ወዘተ፤ በማንነታቸው ምክንያት ብቻ እየተለዩ በተለይ በአማራው ህዝብ ላይ ካለፈው በቀጠለ ትኩረት እንዲሁም ሌሎች ኦሮሞ ባልሆኑ ማህበረሰቦች ላይ በታጠቁ የኦሮሞ ጽንፈኛ ሀይሎች የዘር ማጥፍትና ማጥራት ወንጀል ተካሂዶል አሁንም እንደ ቀጠለ ነው፡፡

በአንድ አገር ውስጥ በሚፈጠር ጦርነት ሆነ በግጭት ወቅት የመከራና የችግሩ ገፈት ቀማሽ ተጠቂዎች በአብዘሀኛው ሴቶችና ልጆች ናቸው፡፡ ዛሪም እጅግ በርካታ ኢትዮጵያውያን ሴቶች በገዛ አገራቸው ተሰደዋል፣ ተፈናቅለዋል፣ በአሰቃቂ ሁኔታ ተግድለዋል። ነፈሰ ጡሮችና ህጻናት ቤታቸው በላያቸው ላይ ፈርሶና ተቃጥሎ መንገድ ላይ ወድቀዋል፤ በርካታ ሴቶች ተደፍረዋል፣ ጭካኔ ለተሞላበ ኢሰባአዊ ጥቃት ተዳርገዋል። አማራ በመሆናቸው ብቻ በደንቢ ደሎ፣ ወለጋ ከፈለ ሀገር በኦሮሞ ታጣቂ ወንበዴዎች ለብዙ ወራት የታገቱት ወጣት ሴቶችን ለማስፍታት የአብይ አህመድ አስተዳደር ጉልበት የለውም ወይም ጆሮ ዳባ በማለት በተዘዋዋሪ ያስጠቃል። ለሚፈልገውና በሚፈልግበት ጊዜ ግን ወንጀለኞችን ያዝኩ ይላል፣ የታገቱት ወጣት ሴቶች የት እንዳሉ ማወቅም ሆነ ወንጀለኞችን መያዝ ግን ተሰኖታል።  ወንጀለኞች እንድ ልብ ህዝብን ሲገድሉ፣ ስያሸብሩና ሲዘርፉ አይቶ እንዳላየ የሚያልፈው የአብይ አህመድ አስተዳደር፣ እውነትኛ የህዝብ ወገን የሆኑትን አገር ወዳድ የፖሊቲካ መሪዎችና ታጋዮችን፣ ያለምንም ወንጀል በጅምላ ማሰርና ማንገላታት ላይ ግን በሰፊው በብርቱ ተሰማርቶል።

ስለዚህም የአለም አቀፍ የኢትዮጵያ ሴቶች ድርጅት ስለ ኢትዮጵያውን ወገኖቻችን በአጠቃላይ፣ በተለይ አማራ በመሆናችው ስለ ታገቱት ሴቶችን ልጆቻችን ዝም አንልም እንላለን፡፡

በማህበረሰብ መቃወስ፣ በህዝብ መፈናቀል፣ ሞትና ትርምስ ለፖለቲካ ትርፍ የሚጠቀሙ መንግስትም ሆነ መንግስታዊ ያልሆኑ የፖለቲካ ሃይሎች በስውርም በግልጽም የጥፋት ተባብሪ ስለሆኑ ለሚደርሰውም ጉዳት ተጠያቂ ያደርጋቸዋል፣ ከህዝብ እልቂትና ስቃይ በተጨማሪ የኢትዮጵያ አገራዊ ሉኦላዊነትና አንድነትን የሚያሰጋ አደጋ ሊከሰት የሚያስችል አጋጣሚን ይፈጥራልና፡፡ የአብይ አህመድ መንግስት ይህን ውስብስብ ችግር ለመፍታትም ሆነ የዜጎችን ደህንነት፣ የአገርን ሰላም ለማስጠበቅ አሁን በያዘው መንገድ አለመቻሉን ሆነ አለመፈለጉን፣ (ከከንቱ ወዳሴና ሃሳዊ ጮሌነት ባሻገር) በተድጋጋሚ ላልፉት ሁለት አመታት አሳይቶል፡፡ ይህን አለመገንዘብና ተገቢውን አለማድረግ በተለይ ለአገርና ወገን የሚያስቡ ምሁራን፣ የሰብዊ መብት ተቆርቆሪዎችና የፖለቲካ ደርጀቶች፣ በአሁኑ ወቅት በእውነት ጎን ባለመቆማቸው በህዝብ ላይ ለሚደርሰው በደልና ሞት ታሪክ ወደፊት ተጠያቂ ያደርጋቸዋል።

ጽንፋዊ ልዩነትንና ጥላቻን ባነገቡ የኦሮሞ የጎሳ ሃይሎች ሰላማዊ ህዝብ ለጥቃት ሲዳረግ መንግስት ነኝ የሚል ሃይል በሰበብ ባስባቡ ማስጠቃት እንጂ አስፈላጊውን ጥበቃ ስለማያደርግ በተደጋጋሚ እንደታየው፤የኢትዮጵያ ህዝብ ባጠቃላይ፣ የአማራ ህዝብ በተለይ ለዘመናት ባካበትው የአብሮነት ጥበብ በመጠቀም የራሱን ደህንነት የመጠበቅና ኢትዮጵያን በትንንሽ የጎሳ አገሮች ለመበታተን፣ እንዲሁም ህዘቦንም በቁጥር እንዲቀነስ ለሚፈልጉ ሀይሎች ሰለባ ላለመሆን አስፈላጊውን ማድረግ ታሪካዊ ኢትዮጵያዊና ሰብአዊ ሃላፊነት አለብን። ስለዚህም የአለም አቀፍ የኢትዮጵያ ሴቶች ድርጅት ህዝባችንን ከበለጠ እልቂትና የእርስ በርስ ግጭት ለማዳን በጊዜ አሰፈላጊውን ትብብር ሁሉ እንዳረግ ዘንድ ወገናዊ ጥሪ ለአገር ወዳድ ኢትዮጵያዊ ሁሉ እናቃርባለን።

  1. ዛሪ ህዝብን ለዚህ ሰቆቃ የዳረገው ዋናው የችግሩ መንሳኤ የወያኔ/ኦነግ/ኢህድግ/ብልጽገና ድርጅቶች የታነጹበትና የሚመሩበት ጸረ ኢትዮጵያ ህገ መንግስትና ፖሊሲ ነው፡፡ ስለዚህም ለዘለቄታው ይህን የጎሳ ክልል ስርአትና ህገ መንግስትን ኢትዮጵያዊነትን መሰረት ባደረገ ህገ መንግስት በመተካት ህዝብን በአንድነት፣ በእኩልነት በፍትህ የሚያስተዳድር መንግስት መመስረት አገርንና ህዝብን ከጥፋት ያድናል፣ ይህ ላጭር ጊዜ ሆነ ለረጅም ጊዜ መፍትሄ ይሆናል። ይህ እስኪሆን ግን የጎሳ መለያ ሰባዊነትን ሰለሚያጠፋና ጭካኔን ስለሚያጠናክር የጎሳ መታወቂያን ማስወገድ ወሳኝ ቁልፍ ተግባራዊ ትግል ነው ብለን እናማናለን፤ ከጎሳዊ ወደ አገራዊና ህዝባዊ መንግስት መሸጋገር ፖለቲካዊ ትክክልኝነት ብቻ ሳይሆን በጎሳ ማንነት ምክንያት ሚከሰትውን ጥፋትና እልቂት ማስወገድና መከላከል ስለሚይስችል ይህን አማራጭ ተግባራዊ ለማድረግ በአጽኖት እንዲታሰብበት ለሚመልከታቸው ሁሉ ጥሪ እናደርጋለን።

 

  1. ለብዙ ወራት የአማራ ወጣት ተማሪዎች ልጆቻችን በኦሮሞ አካባቢ በታጠቁ ዘረኛ ሀይሎች መታፈናቸው ያስቆጣን መሆኑን እያሳወቅን በአስቸኮይ እንዲለቀቁ አጥብቀን እንጠይቃለን። ሰለልጆቻችን ደህንነት አጥጋቢ ምላሽ እስኪገኝ በአብይ መንግስትና በተባብሪውች ላይ ማህበራዊ፣ ኢኮኖሚያዊና ፖለቲካዊና ዲፕሎማሳዊ ማእቀብ እንዲደርግ በድጋሚ የትብብር ጥሪ እናቀርባለን። ለሚደረሰው የአእምሮና የአካል ጉዳት፣ጥፋትና ቀውስ መንግስትም ሆነ ሌሎች ወንጅለኞችን ተጣያቂ እናደርጋለን።

 

  1. ህዝቡን፣ ማሳደድ፣ ማዋከብ፣ ማሰር እንዲቆምና በግፍ የታፈኑና በጅምላ የታሰሩት ንፁሀን ዜጎች፣ የተቃዋሚ ድርጅት መሪዎችና አባላት፣ እነ ወ/ሮ አስቴር ስዩም፣ አቶ እስክንድር ነጋ፣ አቶ ስንታየሁ ቸኮል፣ ኢንጅነር ይልቃል ጌትነት፣ አቶ ልደቱ አያሌውና ሌሎች በርካት በብዙ ሺ የሚቆጠሩ የአዲስ አበባ ኖዋሪዎችን ባስቸኮይ እንዲፈቱ እንጠይቃለን፡፡ በአንጻሩ በሰላምዊ ህዝብ ላይ በደል ያሚያደርሱትን ወንጀለኞች፣ ኢትዮጵያዊ ቅርሶችን በማውደምና በጭፍጨፋ ተግባር በቀጥታ ሆነ በተዘዋሪ የታሳተፉትን የመከላከያና የልዩ ሃይልን፣ እንዲሁም ሌሎች የታጠቁ ጸረ ህዝብ ሃይሎችን በህግ እንዲጠየቁ እናሳስባለን።

 

  1. ጥያቄዎቻችን በአግባቡና በአስቸኳይ እስኪመለሱ ማንኛውንም የሰላማዊ ትግል በመጠቀም በመንግስትና በሚመለከታቸው ተባብሪውች፣ የፖለቲካና የንግድ ተቆማት ላይ የማህበራዊ፣ ኢኮኖሚና፤ ዲፕሎማሳዊ ማቀብና ዓድማ እንዲደረግ ከወዲሁ የትብብር ጥሪያችንነ ለኢትዮጵያውያን በሙሉ እናስተላለፋለን።

 

  1. በአጠቃላይ በኢትዮጵያውያን ሴቶች ላይ የሚደርሰውን የፖለቲካና የኢኮኖሚ እንዲሁም የጾታ ጭቆናንና ጥቃትን አጥብቀን እናወግዛለን፤ በተለይም በአማራ ሴቶች ላይ በየጊዜው ከሚደርሰው ግፍና መከራ ተጨማሪ ለልዩ የዘር ማጥፋት ጥቃት ሰለባ ሆነዋል፣ እንዳይወልዱ የማምከን ወንጀል ተካሂዶባቸዋል። የኢትዮጵያ እናቶች መከርና ለቅሶ ይቁም እያለን በሴትነታቸው ምክንያት የሚደርሰባቸውን ጉዳት ለማስወገድ፣ መብታቸውን ለማስጠበቅ ማደራጀትና ማጠናከር አለም አቀፍ የኢትዮጵያ ሴቶች ድርጅት ወቅቱ የሚጠይቀው አስፈላጊ የጋራ ተግባር ነው እንላለን።

 

የጎሳ ክልል ፖለቲካ ከኢትዮጵያ ህዝብ ላይ ይነሳ

ኢትዮጵያ በጀግንነት ተከብራ ለዘላለም ትኖራለች!!

አለም አቀፍ የኢትዮጵያ ሴቶች ድርጅት

ሀምሌ 2012

4 Comments

  1. Let’s file criminal conspiracy charges against the government for failing to bring back these abducted women.

  2. እጅግ በጣም ወቅታዊና አስፈላጊ ጥሪ በመሆኑ አገሩና ወገኑን የሚወድ ዜጋ የቀረበውን ጥሪ ተግባራዊ ለማድረግ መረባረብ አለበት ።

  3. እጅግ በጣም ወቅታዊና አስፈላጊ ጥሪ በመሆኑ አገሩና ወገኑን የሚወድ ዜጋ የቀረበውን ጥሪ ተግባራዊ ለማድረግ መረባረብ አለብን ። በየጊዜው አዳዲስ አጀንዳዎች እየተቀበልን ያለፈውን መዘንጋት የለብንም ። መንግሥት ኃላፊነቱን እንደጉዳዩ አንገብጋቢነት ቅደም ተከተል ሰጥቶ መተግበር አለበት እንጂ ለገጽታ ግንባታ ያገለግሉኛል የሚላቸውን ተግባራት በመፈጸም መጠመድ የለበትም ። ከሁሉ በላይ ለሰው ልጅ ህይወት ቅድሚያ መሰጠት አለበት ። ለዚህም ወሳኙ ህግ እንዲከበር መስራት አለበት ።
    ህግን ለመስከበር ደግሞ መንግሥት ራሱ ህጋዊ ድንጋጌዎችን ማክበር አለበት ። ወንጀል ፈጻሚዎች ሚዲያ አቋቁመው በአዋጅ ፣ እያቅራሩና ጥሪ እያደረጉ በገሃድ የስም ዝርዝር ይዘው መግደላቸው እየታወቀ ማናጆ ፍለጋ መሄድና ሕዝብን ለማወናበድ መፈለጉ ጊዜው ያለፈበት የህወኃት ታክቲክ በመሆኑ ያላግባብ ያሰራቸውን ለቆ ጉዳዩ በሚመለከታቸው ላይ የፍትህ ስርአቱ አፋጣኝ ውሳኔ ቢስጥና እስካሁንም እየተድበሰበሱ ባሉ ጉዳዮችም ትክክለኛው ህጋዊ ውሳኔ ቢሰጥ መንግሥት ያጣውን ተቀባይነት ዳግም ሊያገኝ ይችላል ።

  4. ሰውን የመኖር ናፍቆት አስንፎታል። ግን አይኖርም። ቢኖርም አያምርበትም። ምንም ይሁን ምንም በዘርና በጎሳ፤ በቋንቋና በክልል የተከፋፈለ ሃገር ሃገር መሆን አይችልም። ይህ ህልም ነው። የተማሪዎቹ ጠለፋ በተጠና እና በተቀነባበረ መልኩ የተከናወነ እንደሆነ ከሹፌሩ እስከ ሹፌሩ ረዳት ያስተላልፉ የነበረው ለጠላፊው ሃይል ምልክት በግልጽ ያሳያል። አሁን በሻሸመኔ፤ በጅማ፤ በባሌ፤ በአርሲና በሌሎችም የኦሮሞ ክልል እየተባሉ በሚጠሩት ሰዎች ላይ የደረሰው ግፍ የሚያመላክተን እነዚህ ተማሪዎችም በህይወት እንደማይኖሩ ነው። የኦሮሞ አክራሪ ቡድኖች ኮሽ ባለ ቁጥር ተነካን፤ ከሃገራችን ውጡ፤ ምድሪቱ የእኛ ናት እያሉ ሰው ገደል መክተትና ሃብትና ንብረት ዘርፎ ሬሳ ማቃጠል ዛሬ የጀመሩት አይደለም። ቆይቷል። ሰው ግን ደንዝዟል። በእኔ ካልመጣ ምን ቸገረኝ በሚል ቀቢጠ ተስፋ ቀኑን እየጠበቀ እንደ ከብት ተጎቶ ሲታረድ ሌላው በወረፋው ዛሬ እኔ ተረፍኩ ይለናል። ችግሩ የተቀነባበረ ነው። ወረራውንና ግድያውን ለመከላከል የሞከሩ የፓሊስ አካላት ማንም እንዳይነካቸው ተብሏል። አትንኩ እንደተባሉ አሁን እየነገሩን ነው። አሰራሩ ሚስጢራዊ ነው። ይህኑ ራሱ በድሎ ራሱ አለቀሰ አይነት ነገር በውጭ ያሉ የኦሮሞ ብሄርተኞች ሰላማዊ ሰልፍ ሲወጡ፤ ባስጠለላቸው ሃገር ላይ ሃውልት ሲያፈርሱ፤ አማራንና ትግሬን ግደሉ እያሉ ሲለፉ መረጃ አልባ እንደ እንቁራሪት አንድ ሲጮህ አብሮ በመጮህ ነው። ይህ የሚያሳየን ምን ያህል ጥቁሩ ዓለም ከእውነት እንደራቀ ነው። የሌላውን መብት ያላከበረ ትግራዋይነት፤ አማራነት፤ ኦሮሞነት በአፍንጫዬ ይውጣ። ሰው በሰውነቱ የሚከበርበት ሃገር እንጂ እንደ ተኩላ በራስ ዙሪያ ተሰባስቦ ሌላውን መናከስ የሙታን ፓለቲካ ውጤት ነው።
    ጠ/ሚ በለዘብተኝነት የኦሮሞ አክራሪዎችን አፍንጫቸው ስር በማድረግ ሴራ ሲጎነጉኑ ዝም ማለታቸው ለዚህ እልቂት ዳርጎናል። ገናም ብዙ መከራ ይከተላል። አሁን የወያኔን የ 27 ዓመት ገመና አጉልተው የሚያሳዪት ባለወረፋዎቹ የኦሮሞ ባለስልጣኖች ከወያኔ ጋር አብረው ሲገርፉና ሲያስገርፉ የነበሩ በተሰላ ሁኔታ ከወያኔ የመከራ ጆኒያ አምልጠው የለውጥ መሪ የተባሉ ናቸው። ልክ እንደ ወያኔ ደም በእጃቸው አለ። ልዩነቱ በመድረክ ሰላምን እየወሸከቱ በይፋም ሆነ በህቡዕ ኦሮሞ ያልሆኑ ብሄር ብሄረሰቦችን ማፈናቀልና ማሳደድ ነው። ቄሮዎች እኮ በግልጽ አዲስ አበባ ላይ በሰልፍ ነግረውናል። “አሁን መሳሪያ በእጃችን ነው”. ሆኖማ ነው ጃዋር በአምስት ክላሽን እስኪታጀብ ያደረሰው። የፓለቲካ ቀቢጠ ተስፋ የሮም አወዳደቅን ይመስላል። ኦሮሞ ኦሮሞን ሲገድለው ዝም ብሎ ሌላው ህብረተሰብ ላይ መከራን ማዝነብ የአራዊቶች ሥራ ነው። ስለሆነም ዝም ብሎ በየጊዜው ሙታንን ከመቅበር (ለዛውም በድናቸው ከተገኘ) በተደራጀና በተጠናከረ መልኩ ሰው ራሱን ከእነዚህ አውሬዎች መከላከል ይገባዋል። የሚገርመኝ ግን አንድ ነገር አለ። የኢትዮጵያ ህዝብ የደረሰብኝን ግፍ ይስማኝ፡ መንግስት ይድረስልን ህዝባችን ሲል ይገርመኛል። ህግና ስርዓት በሌለበት ሃገር የትኛው መንግሥት ነው የሚደርሰው? የኢትዮጵያ ህዝብስ የሚባለው የትኛው ወገን ነው? ኦሮሞው? አማራው? ትግሬው? ጭራሽ። የክልል ፓሊሱ፤ የፌዴራል ፓሊሱ የጸጥታ ሃይሉ ባጠቃላይ በዘር የተጋመደ ነው። የሴቶች እህቶቻችን መጠለፍ የኦሮሞ ጽንፈኞች በተቀናበረ መልኩ የፈጸሙት ነው። በህይወትም ይኖራሉ የሚል ግምት የለኝም። በሃገር ቤት የንግድ፤ የትምህርት ተቋማትን፤ ሰውን አንገት በቆንጭራ እየገደሉ ቤንዚን በጣሳ ይዘው አስከሬን በሚያነድት የኦሮሞ ፓለቲከኞችና በውጭ ሃገር በለው እያሉ በሚያቅራሩ፤ በየሶሻል ሚዲያው ግደሉ በሚሉት፤ በሰላማዊ ሰልፍ ስም የኦሮሞን ባንዲራ ይዘው መንገድ የሚዘጉ፤ የቆመ ሃውልትን በሚያፈርሱ መካከል ምንም ልዪነት የለም። አንድ ናቸው። ጭፍን የዘር ፓለቲከኞች። የቆመለትን ለይቶ የማያውቅ። እንደ ጉንዳን አንድ አንድ ነገርን ተሸክሞ ጉዞ ሲጀምር የሚከተል። በራሱ አስቦ መኖር የማይችል ጥርቅም ነው። እንዴት ሰው ስራዬ ብሎ እንጨት ቆርጦ ሰው ለመግደል፤ ቢለዋ ሲስልና ምስማር ሲመታ ይውላል? እንዴት በስም ዝርዝር እየተመሩ ያን አቃጥል ይህ ተው እያሉ አሮጊቶችን ህጻናትን በእሳት ያጋያሉ። ሰማ ጎበዝ የተገደለው እኮ ሰው ብቻ አይደለም። የሰው ማሳ ማቃጠል፤ ከብቶችን ነድቶ መውሰድ ሁሉ ነው የተፈጸመው። የፈጸሙት ሰዎች በደንብ ይታወቃሉ። በምክትል ወረዳ፤ በወረዳ ፤ በአውራጃ የፓሊስ አባላት እየተመሩ ነው ይህን ሁሉ የፈጸሙት። አሁን ደግሞ ታፍሰው እስር የሚገቡት የግፉ ቀማሾች እንጂ ግፉን ያደረሱት አይደሉም። ማነው ሃጫሉን የገደለው? አሁን ግልጽ የሆነ ይመስላል። ኦሮሞ ነው። ከዚያ በፊት በወለጋ በቀንና በሌሊት ስዎች በሸኔና በሌሎችም የከተማ ሰውር መቺ ሃይሎች ሲገደሉ በውጭ ያሉ የኦሮሞ አክራሪዎች ለምን ሰልፍ አልወጡም? ዛሬም በውሸት ማለቀስ ነገም በውሸት መኖር። አይ ፓለቲካ ለዛው የዘር ፓለቲካ በአፍንጫዬ ይውጣ! በቃኝ!

ሀሃሳብ እና አስተያትዎን ይስጡ

Your email address will not be published.