ኢዜማ የኢትዮ ቴሌኮምን ከፊል ድርሻ የመሸጥ ሒደት እንዲቆም ጠየቀ

Ezemaየመሬት ወረራንና የኮንዲሚኒየም ቤቶች ዕደላን የሚመረምር ልዩ ኮሚቴ ማቋቋሙን አስታወቀ

ለሌሎች የኢኮኖሚ ዘርፎች ተወዳዳሪነት ዋነኛ ሞተር የሆነውን የቴሌኮም ኢንዱስትሪ እንደ ተራ መረጃ ማስተላለፊያ ብቻ በማየት ለውጭ ድርጅት በከፊል ለመሸጥ በመንግሥት የተጀመረው መንገድ፣ ፍፁም አደገኛና የአገርን ህልውና አደጋ ላይ የሚጥል በመሆኑ በአስቸኳይ እንዲቆም የኢትዮጵያ ዜጎች ለማኅበራዊ ፍትሕ (ኢዜማ) ጠየቀ፡፡

ከዚህ ባለፈ ግን አሁን የሚወሰዱ የኢኮኖሚ ማሻሻያ ዕርምጃዎች፣ ‹‹አሁን ካለንበት ችግር የሚያወጡን ብቻ ሳይሆኑ፣ የወደፊቱንም ትውልድ የምጣኔ ሀብትና ማኅበራዊ ነፃነቱን በምንም ዓይነት መልኩ አደጋ ላይ የማይጥሉ መሆናቸው መረጋገጥ አለበት፤›› በማለት ማስጠንቀቂያ አዘል ጥሪውን ለመንግሥት ከማቅረብ በዘለለ፣ ‹‹እንደ አገር በዚህ ወቅት የምንወስናቸው ውሳኔዎች ምን እንዲያመጡልን እንፈልጋለን የሚለውን በሰከነ መንፈስ ማየት ካልተቻለ፣ የታሪክ ተወቃሽ ከመሆን አንድንም፤›› በማለት አሳስቧል፡፡

‹‹የኮቪድ 19 ወረርሽኝ አደጋ በኢኮኖሚያችን ላይ እያመጣ ያለውንና በቀጣይነት የሚያመጣውን ጫና በቅጡ ባላየንበት፣ እንደ አገር ተረጋግተን ወደፊት ለመጓዝ በምን መልኩ እንሂድ የሚለው ባልጠራበት፣ ዴሞክራሲያዊ ተቋማትን የመገንባት ሒደቱ ፈቀቅ ባላለበት፣ የአንዱ ኃይል የተደላደለ የሚለው የመፍትሔ መንገድ ለሌላው ኃይል ገደል እንደሆነ በሚታሰብበት፣ ከሁሉም በላይ ደግሞ ለመስማማትም ሆነ ላለመስማማት በጠረጴዛ ዙሪያ ቁጭ ብሎ መወያየትና መደራደር እንደ ተራራ በገዘፈበት በዚህ ውዥንብርና ምስቅልቅል ሰዓት፣ የትኛውንም ዘላቂ ተፅዕኖ ያለውን ኢኮኖሚያዊ ውሳኔ ሕዝብን ሳያማክሩ፣ እንደ አገር የሚመለከታቸውን አካላት ሳያሳትፉ፣ ብሎም ሕጋዊ ቅቡልነት ሳያረጋግጡ ይህን ዓይነት ትልቅ አገራዊ ጉዳይ ላይ ውሳኔ ለመስጠት መንደርደር፣ እንደ አገር ያሉብንን ችግሮች ከማግዘፍና ከማወሳሰብ የዘለለ ሚና ይኖረዋል ብሎ ማመን ይከብዳል፤›› ሲል ኢዜማ ሥጋቱን ገልጿል፡፡

አሁን በሥልጣን ላይ ያለው ፓርቲ ይህን መሰል ዘላቂና የወደፊት የአገሪቱን ዕጣ ፈንታ ላይ ትልቅ ውጤት ያላቸው፣ እንዲሁም ወደፊት ተመርጦ ሥልጣን የያዘ መንግሥት እንኳን ሊያስተካክላቸው የማይችሉ ውሳኔዎችን የማስተላለፍ መብት በፍፁም የለውም በማለት ተቃውሞውን አሰምቷል፡፡

የ21ኛው ክፍለ ዘመን የቴሌኮም ዘርፍ እንደ ጥንቱ በመገናኛና በመረጃ አስተላላፊነት ብቻ ሳይወሰን ወታደራዊ፣ የፋይናንስ፣ የመገናኛ ብዙኃንና የፈጠራ ሥርዓቱን የመቆጣጠር ሚናው እየጎላ መምጣቱን የጠቆመው ኢዜማ፣ ከዚህ በተጨማሪም ኢትዮ ቴሌኮም አገሪቱ ውስጥ ካሉ የመንግሥትም ሆነ የግል ድርጅቶች በእጅጉ አትራፊ እንደሆነ ይገልጻል፡፡

በመሆኑም በየዓመቱ በርካታ ቢሊዮን ብሮችን አትርፎ ወደ መንግሥት ካዝና የሚያስገባው ይህ ድርጅት ዘንድሮ በስድስት ወራት ብቻ ከአሥር ቢሊዮን ብር በላይ ማትረፉን በመግለጽ፣ ‹‹ይህንን ድርጅት ወደ ግል ማዛወር ከተቋሙ የሚገኘውን ከፍተኛ ገንዘብም ማጣት እንደሆነ ልብ ሊባል ይገባል፤›› በማለት፣ ዘርፉን በመሸጥ የሚታጣው ከፍተኛ ሀብት ከግምት ውስጥ መግባት እንደሚኖርበት አሳስቧል፡፡

በኢትዮ ቴሌኮም የሚሰጠው አገልግሎት በጥራትም ሆነ በብዛት ቅርብና ሩቅ ካሉ ተመሳሳይ አገሮች አገልግሎት ጋር ሲነፃፀር እጅግ አናሳና ኋላቀር ነው የሚለው ኢዜማ፣ ነገር ግን ድርጅቱን መሸጥ ጥራትን ለማሻሻል ብቸኛ መፍትሔ ተደርጎ መታየት እንደሌለበትም ይሟገታል፡፡

‹‹ገዥው ፓርቲ ይህን በአገራችን የወደፊት ዕጣ ፈንታ ላይ ወሳኝ ሚና የሚጫወተው ስትራቲጂክ ሴክተር ላይ ሕጋዊ ቅቡልነትን ሳያረጋግጥ፣ ቅድሚያ የሚሰጣቸውን ጉዳዮች ቅድሚያ ሳይሰጣቸው፣ በቂ ጥናት ሳይደረግና የንብረቱ ባለቤት የሆነው ሕዝብና ወኪሎች ሳይመካከሩ ከየትኛውም ኃይል ይሁንታን ሳይጠብቅ በውጭ ጫናና ማባበያ የወሰነውን ውሳኔ በመቀልበስ፣ የኢትዮ ቴሌኮምን ድርሻ ለመሸጥ እየሄደበት ያለውን ሩጫ በአስቸኳይ ያቁም፤›› በማለት ኢዜማ አሳስቧል፡፡

ኢዜማ በዚህ ጉዳይ ላይ ዝርዝር መረጃ የያዘ በምጣኔ ሀብትና በአይሲቲ ዘርፍ የተሰማሩ ባለሙያዎች ያዘጋጁትን ምጥን ፖሊሲ በሚቀጥለው ሳምንት ይፋ እንደሚያደርግ፣ ኅብረተሰቡ በጉዳዩ ላይ በቂ መረጃ እንዲያገኝና ከመንግሥት ግልጽነትን እንዲጠይቅ የሚገፉ ውይይቶችን በተለያዩ የመገናኛ ብዙኃን ይደረጋሉ ብሏል፡፡ በምጥን ፖሊሲው ላይ የተለያዩ ባለሙያዎች የሚሳተፉበት ‹‹ዙም ዌቢናር›› እንደሚያዘጋጅም አስታውቋል፡፡

ይህ በዚህ እንዳለ ኢዜማ በአዲስ አበባ ከተማ በመሬት ወረራ፣ በኮንዶሚኒየም ዕደላዎችና ከተማዋን በግለሰቦች በጎ ፈቃድ የምትንቀሳቀስ የማስመሰል አካሄድ በጊዜ ሊታረም ይገባል ሲል መግለጫ አውጥቷል፡፡ ኢዜማ የለውጥ ባህሪን በመረዳትና የሽግግር ጊዜ አስቸጋሪ ሁኔታዎችን በመገንዘብ፣ በአዲስ አበባ ከተማ መስተዳደር የሚከናወኑ ሥራዎችን በአጽንኦት እየተከታተለ መቆየቱን፣ የከተማው ነዋሪዎች በመረጡት ተወካይ በሚተዳደሩበት ጊዜ ይፈታሉ ብሎ የሚያስባቸው ጥያቄዎች በዘላቂነት ለመፍታት እንዲቻል በማሰብ፣ በከተማ ውስጥ በተለያዩ ደረጃዎች አባሎቹን ማደራጀትና የድርጅት አቅሙን ማዳበርን ዋነኛ ትኩረት ሰጥቶ ሲሠራ እንደቆየም የሚታወቅ መሆኑን አስታውቋል፡፡

‹‹ከቅርብ ጊዜ ወዲህ ከራሳችን መዋቅርም ሆነ ከከተማው ነዋሪዎች የሚያደርሱን ተጨባጭ የመሬት ወረራዎች፣ የኮንዶሚኒየም ቤት ዕደላዎችና ከተማዋን በግለሰቦች በጎ ፈቃድ የምትንቀሳቀስ የማስመሰል አካሄድ በጊዜ ካልታረሙ፣ ቀድሞውንም ውስብሰብ የነበሩ የከተማዋን ችግሮች የሚያባብሱና በዜጎች መካከል የሚፈጥሩት ቅራኔ በቀላሉ የሚፈታ አይሆንም፤›› ብሏል፡፡

ይህንን ከግምት በማስገባት የኢዜማ ብሔራዊ ሥራ አስፈጻሚ ኮሚቴ ቅዳሜ ሰኔ 13 ቀን 2012 ዓ.ም. ባካሄደው መደበኛ ስብሰባ ከመሬት ወረራ፣ የጋራ መኖሪያ ቤቶችን ለነዋሪዎች ከማስተላለፍና ከማንኛውም የመንግሥት አድልኦ አሠራሮችን በተመለከተ መረጃ የሚያሰባስብና የሚመረምር ልዩ ኮሚቴ እንዳቋቋመ አስታውቋል። ለዚህ ኮሚቴ መረጃ መስጠት ለሚፈልጉ ዜጎች በስልክ፣ በዋትሳፕ፣ በቴሌግራም፣ እንዲሁም ለዚሁ ተብሎ በተዘጋጀ የኢሜይል አድራሻ እንዲያደርሱ ጥሪ አቅርቧል። የተቋቋመው ልዩ ኮሚቴም የደረሰባቸውን ማስረጃዎች በቅርቡ ለሕዝብ ይፋ እንደሚያደርግ ገልጿል።

‹‹በዚህ አጋጣሚ በሕገወጥ መንገድ በከተማዋ ነዋሪዎች ጥቅም ላይ የሚፈጸሙ የአድልኦ አሠራሮችና የመሬት ወረራ ላይ በየትኛውም ደረጃ የሚሳተፉ በየትኛውም የሥልጣን እርከን የሚገኙ የሥራ ኃላፊዎች ከተጠያቂነት እንደማያመልጡ አውቀው፣ የእስካሁን ጥፋታቸውን እንዲያርሙና ከአሁን በኋላም ከዚህ ተግባር እንዲታቀቡ አጥብቀን እናሳስባለን። ሕዝቡ በሕገወጥ መንገድ የሚፈጸሙ የመሬት ወረራዎችንና ማናቸውንም የአድልኦ አሠራሮች በጥንቃቄ እንዲከታተል እየጠየቅን፣ ከእንዲህ ዓይነት ሕገወጥ ድርጊት ጋር በማንኛውም መልኩ ግንኙነት ያላቸው ንብረቶችን ከመግዛት፣ እንዲሁም በማንኛውም መልኩ ልውውጥ ከመፈጸም እንዲቆጠብ እናስገነዝባለን፤›› ሲልም አሳስቧል።

ሪፖርተር

2 Comments

  1. Liquid Telecom’s CEO. , Dr. Strive Masiyiwa has personally confirmed that he is confident now they are at the stages of finalizing the Eritrean and Ethiopian Telecom’s acquisition deal with Isayas Afeworqi’s and with Abiy Ahmed’s blessings. Liquid Telecom is ready to go ahead with the acquisition while many others who bid at the begining of this year , currently canceled their bids due to the Covid-19 pandemic.
    Even diasporas Eritreans and diaspora Ethiopians who put in their bids canceled their bids.
    Both the governments of Eritrea and Ethiopia are currently in a hurry to do bid evaluations then sell parts of their telecoms before the remaining cancel their bids also .

    IT IS A DONE DEAL!!
    No boycott , no civil disobedience , no abstaining telephone usages or no abstaining using other Ethio Telecom’s services can reverse the selling of Ethio Telecom now. It is too late now , EZEMA should have started all these campaigns several months ago , before bids were submitted now the sergegna has arrived but EZEMA berbere meqentes jemere.

  2. Addis Ababa got Telecom infrastructures , remote areas in other regions got no receptions due to lack of the telecommunication infrastructures , solution being letting foreign investors build the infrastructures allover Ethiopia as Addis Ababa currently got the necessary TELECOM infrastructures.

    Some of these people resisting the Ethio Telecom sells to foreign investors are those residing in Addis Ababa who got no care for the other regions, they oppose this move because they only to think of Addis Ababa, in other regions we want Ethio Telecom to get sold so we can get the Telecom services in the remote parts of the country. We in other regions want to build condos with all necessities water , electricity and telephones as Addis Ababa condos get , until we build our condos we will stay in the condos in Addis Ababa for the time being . The Addis Ababa residents who are born and raised in Addis Ababa can go to their friends , parents , relatives houses in Addis Ababa for the time being , we the people from the regions will end up homeless on the streets of Addis Ababa if we are not given preference to move in to the condos in Addis Ababa so we are staying in then in the meantime until co did get build in the regions outside Ethiopia. Once we develop the regions we will return the condos to the Addis Ababa condo owners so bare with us , just stay patient and help us develop the remote areas in the regions outside Ethiopia. The quicker the regions develop the quicker Addis Ababa residents move in to the condos in Addis Ababa, opposing the Ethio Telecom sales to foreign investors got the potential to delay the development of the regions which will in turn will delay the time when the Addis Ababa residents will move into the condos in Addis Ababa or in Koye Chefe . We all people of Ethiopia are in this together , If you the Addis Ababa residents delay one of the Prosperity Party’s actions know that you are delaying many other related things together.

ሀሃሳብ እና አስተያትዎን ይስጡ

Your email address will not be published.