ከሁለት ሳምንታት በኋላ የግድቡ ውሃ ሙሌት ይጀመራል

106345633 1681765631974778 5283093066410245533 o e1593360637746አዲስ አበባ ፣ ኢትዮጵያ በመጭዎቹ ሁለት ሳምንታት የታላቁ የህዳሴ ግድብ ቀሪ የግንባታ ስራዎችን በማጠናቀቅ የውሃ ሙሌት እንደምትጀምር የጠቅላይ ሚኒስትር ፅህፈት ቤት አስታወቀ። በእነዚህ ሁለት ሳምንታትም ሃገራቱ ከስምምነት ለመድረስ መወሰናቸውን አመለከተ።

ፅህፈት ቤቱ ትናንት ባወጣው መግለጫ እንዳመለከተው ባለፈው አርብ የአፍሪካ ህብረት የመሪዎች ጉባኤ የህዳሴ ግድብ የውሃ ሙሌት እና ውሃ አለቃቀቅ ደንብ ላይ በኢትዮጵያ፣ ሱዳን እና ግብጽ እየተካሄደ ባለው ድርድር ዙሪያ ምክክር አድርጓል።

በወቅቱ የአፍሪካ ህብረት ፕሬዚዳንት ሲሪል ራማፎሳ በተጠራው በዚህ ስብሰባ ከሶስቱ ሃገራት በተጨማሪ የጉባኤው አባል የሆኑት ኬንያ፣ ማሊ እና ዴሞክራቲክ ሪፐብሊክ ኮንጎ መሪዎች መገኘታቸውን ጠቁሟል።

መሪዎቹ የናይል እና የታላቁ ህዳሴ ግድብ ጉዳይ የአፍሪካ ጉዳይ በመሆኑ ከአፍሪካ የሚመነጭ የመፍትሄ ሃሳብ እንደሚያስፈልገው ማንሳታቸውንም ገልጿል።

በዚህ ረገድም የግድቡ ድርድር ስላለበት ሂደት ከኢትዮጵያ፣ ሱዳን እና ግብጽ መግለጫዎች ቀርበው በቀጣይ ስለሚኖረው ሂደት አቅጣጫ መቀመጡን አመልክቷል።

በዚህም በግድቡ ሙሌት እና አስተዳደር ላይ የሚደረገው ድርድር በሚቀጥሉት ሁለት ሳምንታት እንዲጠናቀቅም ከስምምነት ላይ መድረሳቸውንም ፅህፈትቤቱ አስታውቋል።

የአፍሪካ ህብረት ጉዳዩን መመልከት መጀመሩ ለተባበሩት መንግስታት ድርጅት የፀጥታው ምክር ቤት እንዲታወቅ ፣ የአፍሪካ ህብረት እና የመሪዎች ጉባኤ ቢሮ አባላት ድርድሩን እንዲደግፉ የመሪዎቹ ጉባኤ መጠየቁንም አመልክቷል።

ኢትዮጵያ ፣ ሱዳን እና ግብጽ ከቃላት መካረር እና አላስፈላጊ መግለጫዎች እንዲቆጠቡ አቅጣጫ አስቀምጦ ልዩ የመሪዎች ስብሰባ መጠናቁንም አስታውቋል ።

በተያያዘ ዜና ጠቅላይ ሚኒስትር ዐቢይ አሕመድ የአፍሪካ ህብረት አባላት ቢሮ፣ ኢትዮጵያ፣ ሱዳን እና ግብጽ ለታላቁ የሕዳሴ ግድብ ከአፍሪካ የመነጨ መፍትሔን ማበጀት ላይ ያተኮረ ውይይት ማካሄዳቸውን አስታወቁ።

ኢፕድ

ሀሃሳብ እና አስተያትዎን ይስጡ

Your email address will not be published.