“ቀጣሪዬ ጎዳና ላይ ወረወረቺኝ” ኢትዮጵያዊቷ ከቤሩት – ታምሩ ገዳ

9cb026fbda51c038094fd1abfb872abba47b3334 e1589996750302 ቀጣሪዬ ጎዳና ላይ ወረወረቺኝ ኢትዮጵያዊቷ ከቤሩት   ታምሩ ገዳኢትዮጵያዊቷ ሶፊያ የእራሳቸውን እና የቤተሰቦቻቸውን ህይወትን ለመቀየር ወደ ቤሩት፣ሊባኖስ ከተጓዙ በመቶ ሺዎች ከሚቆጠሩ ለፍቶ አዳሪዋች መካከል አንዷ ነች፣ይሁን እንጂ ለወትሮውም የሰብአዊ መብት በእጅጉ የሚረገጥባት ቤሩት ፣በዘመነ ኮሮና ቫይረስ ወረርሽኝ ነገሮች በእጅጉ የከፋባት ለመሆኑ የተለያዩ ዘገባዎች ይናገራሉ።

የፈረንሳይ የዜና ኣገልግሎት፣ኤኤፍ ፒ ያነጋገራት ሶፊያ”ቀጣሪዬ/ማዳም ለስድስት ወራት ከአስራ አምስት ቀናት የሰራሁበትን የላቤን ዋጋ ሳትከፍለኝ፣ፓስፖርቴን እና ሻንጣዮን ሳትስጠኝ ወደ ጎዳና ላይ ካባረረችኝ ሳምንት አልፎታል፣አሁን የምፈልገው ነገር ቢኖር ወደ አገሬ መመለስ ብቻ ነው”ስትል ሰኞ እለት ከኢትዮጵያ ቆንስላ ደጃፍ ላይ ተኮልኩለው ወደአገራቸው ለመመልፕስ ከሚጥብቁት እርሷን መሰል እህቶች ጋር ተቀላቅላ ቀጣዩ ለመምዝገብ ትጠባበቅ ነበር።

ሊባኖስ የውጪ ዜጎች አገሯን ለቀው እንዲወጡ የአየር ግዛቷን በእሮብ ለኢትዮጵያዊያን እህቶች እና ግብጻውያን ወንዶች ልዩ ፍቃድ ብትሰጥም ሁለት ልጆቿን ላለፉት ሶስት አመታት ያላየችው ሶፊያ የእድሉ ተጠቃሚ ለመሆን ብትጥርም የአገሪቱ የጥበቃ ሰራተኞች ከዘጠኝ ቀናት በሁዋላ እንዲመለሱ ቀጣሪዎቻቸውም የትራንስፖርት ወጪያቸውን እንዲከፍሏቸው በመግለጸ ሸኝተዋቸዋል ።

ከቀጣሪዎች መካከል አንዷ የሆኑት ኢቫ አዎድ በሰጡት አስተያየት “ሰራተኛዬን ከዚህ በሁዋላ የምከፍላት ገንዘብ ስለማኖር አልፈልጋትም ፣የቀረ ደሞዟን ግን እከፍላለሁ ” በማለት አቋማቸውን ገልጸዋል። ኢኮኖሚያዊ ቀውስ ውስጥ የገባችው ሊባኖስ አንዳንድ ቀጣሪዎች እንደዎትሮው በዶላር መክፈል ትተው በአገሬው ገንዘብ ለመክፋል ተገደዋል።ከዚያም የከፋ ችግር የገጣማቸው አሰሪዎች እንደ ሶፊያ የመሰሉ ምስኪን ሰራተኞችን ወደጎዳና ላይ አውጥተው እንደሚጥሏቸው ዘገባው አክሎ ገልጿል።

በዚህ አስከፊ ወቅት ለኢትዮጵያውያን እህቶች ምንም አይነት አለማቀፋዊ እና መንግስታዊ እገዛ የማያገኙ ሲሆን በቤሩት የሚገኝፕውም የኢትዮጵያ ቆንጽላ በችግረኞች መጨናነቁ ተደምሮ ለቀረበለት ተደጋጋሚ ጥሪ “ምላሽ አልስጠንም “ብሏል ኤኤፍ ፒ።ሶፊያ ለጊዜው በአንዲት የአገሯ ልጅ እገዛ ጎዳና ላይ ከመቅረት ብትሆንም ቀጣዩ እጣ ፋንታዋን ግን በጭራሽ አታውቀውም።

ባንቺ ይመር ትባላለች በአንድ ወቅት አንደ ሶፊያ ወደ ቤሩት ተጉዛ እድል ቀንቷት ወደ ካናዳ በመሻገር በአሁኑ ወቅት “እኛ ለእኛ/ Egna Legna association/” ግብረ ሰናይ ድርጅት በማቋቋም ሶፊያን የመሰሉ ብዛት ያላቸው የወረርሽኙ ኢኮነሚያዊ ተጠቂ ወገኖችን ለመርዳት እርሷ እና ጓደኘቿ ከአስራ ሁለት ሺህ ዶላር በላይ በማሰባሳብ መሄጃ ላጡ ከአንድ መቶ በላይ ወገኖች እና መሰል እህቶች የምግብ እና የመጠለያ እገዛ እያበረከቱ ሲሆን የችግረኞቹ ብዛት፣ከኢትዮጵያ ቆንስላ ደጃፍ በቀጣሪዎቻቸው እንደ እቃ እየተወረወሩ የሚጣሉ በርካታ የአገሯ ልጆች ሁኔታ ትልቅ ስጋት እንደፈጠረባት ባንቺ ይመር “ሁኔታው በእጅጉ እንቅልፍ ነስቶኛል ” ስትል ትናገራለች።

በወረርሽኙ ሳቢያ ካለፈው ሚያዚያ /አፕሪል27 አንስቶ እስከ መጪው ሰኔ 8 2020 እኤአ የሚጽና የእንቅስቃሴ እገዳ የጣለችው ሊባኖስ ዘጠኝ መቶ አስራ እንድ ተጠቂዎች እና ሃያ ስድስት ሰዎች የሞቱባት ሲሆን ወረርሽኙ ባሳደረው ተጽእኖ ሳቢያ በእስር ሺህ የሚቆጠሩ ሰዎች ስራ አጥ በመሆናቸው በእነርሱ ስር የነበሩት በሺዎች ያሚቆጠሩት ኢትዮጵያዊያን እህቶች እና ከመሰል አገራት የመጡ ለፍቶ አዳሪዎች ለከፋ ችግር መጋለጣቸው በቅርቡ ሁለት ቀጣሪዎች ሰራተኞቻቸውን በፌስ ቡክ አማካኝነት ለሽያጭ ማቅረባቸው እና ድርጊቱን ከፍተኛ አለማቀፋዊ ቁጣ መቀስቀሱ አይዘነጋም።

(ታምሩ ገዳ/ህብር ራዲዮ)

https://www.amharic.zehabesha.com/unpaid-foreign-domestic-workers-stranded-in-crisis-hit-lebanon/

1 Comment

  1. በአዲስአበባከተማ

    -ልደታ ክ/ከተማ ፖሊስ ጣቢያ በተደረገ ድንገተኛ ምርመራ 40 የህግ ታራሚዎች ቫይረሱ ተገኝቶባቸዋል፡፡
    May 20, 2020 –

    በኢትዮጵያ ቫይረሱ ከተገኘባቸው 389 ሰዎች ውስጥ 252 የሚሆኑት በአዲስ አበባ እንደሚገኙ ታወቀ፡፡

    –በአዲስ አበባ ከተማ
    የልደታ ክ/ከተማ 40 በመቶ የሚሆነውን ቫይረሱ ያለባቸውን ሰዎች ቁጥር ሲይዝ አዲስ ከተማ ክፍለከተማ በሁለተኛነት ድርሻውን መያዙን ዶ/ር ሊያ ታደሰ ገልጸዋል፡፡

    ይህም ቫይረሱ በአዲስ አበባ በከፍተኛ ደረጃ እየጨመረ መምጣቱን የሚያመላክት እንደሆነ ነው የተገለጸው፡፡

    የውጭ ሀገር የጉዞ ታሪክ የሌላቸው እንዲሁም ቫይረሱ ካለበት ሰው ጋር ግንኙነት ሳይኖራቸው በቫይረሱ የተያዙ ሰዎች ቁጥር 16 በመቶ መድረሱንም ዶ/ር ሊያ አስታውቀዋል፡፡

    የቫይሱን ስርጭት ለመቆጣጠርም ከቫይረሱ ጋር ንክኪ ያላቸውን ሰዎች ቅኝት የማድረግ ስራ ዋነኛ ተግባር መሆኑን የገለጹት ደግሞ የህብረተሰብ ጤና ኢንስቲቲዩት ዳይሬክተር ዶ/ር ኤባ አባተ ናቸው፡፡

    በልደታ ክፍለ ከተማ ወረዳ 3 በተደረገ ቅኝት ከቫይረሱ ጋር ንክኪ ከነበረው አንድ ሰው ጋር ንክኪ የነበራቸው 32 ግለሰቦች ቫይረሱ ተገኝቶባቸዋል፡፡

    በተመሳሳይ በወረዳው በሚገኝ ፖሊስ ጣቢያ በተደረገ ድንገተኛ ምርመራ 40 የህግ ታራሚዎች ቫይረሱ ተገኝቶባቸዋል፡፡

    የጤና ሚኒስትሯ ዶ/ር ሊያ ታደሰ እስካሁን 62 ሺህ 300 የላብራቶሪ ምርመራ የተደረገ ሲሆን ካለፉት 2 ወራት ይበልጥ በ2ሳምንት ውስጥ የቫይረሱ ተጠቂዎች ቁጥር 63 በመቶ ድርሻ እንዳለው ገልጸዋል፡፡

    በኮሮና ቫይረስ ተይዘዉ ካገገሙ ህሙማን ድጋሚ ሲመረመሩ 2 ግለሰቦች ቫይረሱ ስለተገኘባቸው የጤና ባለሙያዎችን አስደንግጧል።

    ­

ሀሃሳብ እና አስተያትዎን ይስጡ

Your email address will not be published.