የኢትዮጵያ ትንሣኤ መቼና እንዴት እውን እንደሚሆን ታውቃለህ? – አምባቸው ደጀኔ (ከወልዲያ)

abiy and amhara people የኢትዮጵያ ትንሣኤ መቼና እንዴት እውን እንደሚሆን ታውቃለህ?   አምባቸው ደጀኔ (ከወልዲያ)አምባቸው ደጀኔ (ከወልዲያ)

“ጨዋ ሲጋባ የተፋታ ያህል ነው፡፡” ይባላልና “መጣላት” ካለብኝ ሰዎች ጋር አሁኑኑ ተጣልቼ መለያየት አለብኝ፡፡ የምጣላው ደግሞ ሀሰትንና ሙስናን መተዳደሪያቸው ካደረጉ ወይም ብሶትና በደልን ተገን አድርገው ሽንፈታቸውን ካወጁ ጋር ብቻ ነው፡፡ ሆዳም ሰው ፍቅር አያውቅምና አማራም ሆኖ ከወያኔና ኦህዲድ ጋር በመጎናበስ አማራንና ኢትዮጵያን ለሆዱ የሸጠ ሰው መሳይ በሸንጎም ጠበኛየ ነው፤ ይህን መሰሉን ፍጡር ደግሞ እንደሰው መቁጠር ይቸግራል፡፡ በቅድሚያ ግን አንዲት ማሳሰቢያ ቢጤ ልስጥ፡፡

ይህችነን ጸሑፍ የወያኔና ኦህዲድ/ኦነግ ሚዲያዎችም ብትሆኑ ሳታፍሩና ሳትፈሩ በልበ ሙሉነት አስተናግዷት – ግዴላችሁም ዝም ብላችሁ አውጧት፡፡ በአማራነት የምትታሙ ሚዲያዎችም ሳትሳቀቁ በነፃነት ለፍፏት፡፡ ለአማራ አላዳላም፤ ለኦሮሞም አላዳላም፤ ለትግሬም አላዳላም፡፡ ለማንም አላዳላም፡፡ ለምኔ ብዬ? የኢትዮጵያን የማይቀር ትንሣኤ በተመለከተ ግን ካላንዳች ይሉኝታ ሁሉም የሚተፋፈርበትንና በግልጽ ቢናገር ወንጀልና ዘረኝነት የሚመስለውን የመፍትሔ ሃሳብ በግልጽ አወራለሁ – እውነትን ተናግሮ እመሸበት የማደር ያህል ነው፡፡ እውነትን መፍራት የትም እንደማያደርስ አየነው፡፡ በመተፋፈርና በይሉኝታ ብዙ ርቀት ተጉዘን ያተረፍነው ነገር ቢኖር ሀገርን እስከማሳጣት ያደረሰ ውድመትን ብቻ ነው፡፡

አንድ ሰው “በፍቅር እንሞትልሃለን!” ከሚሉት ሁለት ሴቶች ጋር ተኝቷል – ሌሊት ነው፡፡ ሃይማኖታዊ ፍልስፍናህን ለጊዜው ተወውና ዝም ብለህ አድምጠኝማ፡፡ ወንዱ የተኛው ታዲያን መሀል ነው፡፡ አንደኛዋ ሴት “ከሁለታችን ማንኛችንን ይበልጥ ትወዳለህ?” በማለት ያልጠበቀውን ዱብዕዳ ጥያቄ ትጠይቀዋለች፡፡ አፍ አውጥቶ “ትንቧለልን” ወይም “ጫልቱን” እንዳይል ከሁለት አንድኛቸው ሊቀየሙት መሆኑ ገባው፡፡ ሰውዬ ሆዬ ብልጥ ነበርና ተንጋሎ እንደተኛ ሁለት እጆቹን ወደሁለቱም ሴቶች ጭኖች በመላክ በአንድ ቅጽበት ሁለቱንም ቁንጥጥ አደረገና “አንቺን ነው!” ይላል፡፡ ያኔ ሁለቱም በእርካታ ውስጣቸው ይፍነከነካል፡፡ “ያቺኛዋ እንዳትነቃበት ነው እኔን ብቻ ቆንጥጦ እንደሚያፈቅረኝ በምልክት የነገረኝ!” በሚል እሳቤ ሁለቱም ተደሰቱ፤ ወደሌላ ጨዋታም አመሩ፡፡ ሰውዬው ግን በርግጥም ብልጥ ነው አይደል? አዎ፣ የሰውን ስሜት ሳይጎዱ በሁለት ወገን ለመፈቀር መሞከር ከተቻለና ዘላቂነት ካለው ክፋት የለውም፡፡  እንደውነቱ ግን ሁለት ተቃራኒ ኃይሎችን በአንዴ ማስደሰት ከባድ ብቻም ሣይሆን የሚቻል አይደለም፡፡ ሁለት እገር አለኝ ተብሎም ሁለት ዛፍ ላይ አይወጣም፡፡ ጥሩ አባባል ልጨምርና አንቀጽ ልለውጥ፡- “የዳኛ ልል ያማታል፤ የብልት ልል ያፋታል፡፡” ነጭና ጥቁር ኅብረት የላቸውም፡፡ የ binary opposition ህግ ይህን መሰሉን ወግቶ ይማርህ አስተኔ ኢ-ሥርዓታዊ ሥርዓት አይፈቅድም፡፡

ዶክተር አቢይ አህመድ ይህንን ሰው ይመስላል፡፡ ስለዚህም ማንንም ላለማስቀየም በሚያደርገው ጥረት (ይመስላል) ባሌና ደሴ ላይ የሚያደርጋቸው ንግግሮቹ ዐይንና ናጫ እየሆኑበት ክፉኛ ተቸግሯል – ክፉ ዕድሉ ከጠማማ ቀን ጋር ተዋውለውበት የነብር ጅራትና ሥልጣን ተፋጠጡበትና ከወረቱ ስንቁ ሳይሆንበት አልቀረም – አንዳንዴ በጣም ያሳዝነኛል፤ ከእርሱ ዕድል ይልቅ ሁለት ሙዝ በአንዲት ኮስማና የሦሥት ብር ዳቦ መሀል ከተው  ምሣቸውን “ግጥም አድርገው” በልተው ወደ ቀን ሥራቸው የሚገቡ “ቀምበሌዎች” ያስቀኑኛል፡፡ እርሱ በቦሌም በባሌም ብሎ የኖቤል ሽልማት ድጋፍም ተደርጎለት የያዘውንና ዕንቅልፍ ያሳጣውን ሥልጣኑን እስኪያረጋጋ ድረስ በተከታታይ በሚያጠፋቸው ጥፋቶች ምክንያት ሀገር ከአንጻራዊ መኖር ወደ ጨርሶ አለመኖር እየተጣደፈች ነው፡፡ አንደኛውን “ጠበኛየን” ገልጬ ጨረስኩ፡፡

አማራ ብሔራዊ ንቅናቄ (አብን) አመሠራረቱ ቢገባኝም ከአማራ ወርድና ቁመት የማይመጣጠን ድርጅታዊ አወቃቀር የሚከተል ስለሚመስለኝ በቶሎ ይስተካከል፡፡ ይህ “ትዕዛዝ ነው”፡፡ “ትዕዛዜ” ቅቡልነትና ተዓማኒነት እንዲኖረው በግድ ከመምህር ግርማ ወንድሙ ወይም ከንግሥተ ነገሥታት ‹እኅተ ማርያም› ስንዱ የትብብር ደብዳቤ ማምጣት የለብኝም፡፡ አማራ፣ አማራ የምትሉ ወገኖቼ ትግሬ፣ ትግሬና ኦሮሞ፣ ኦሮሞ ከሚሉ የፖለቲካ ወያላዎች ክስረት መማር አለባችሁ – እውነት ነው ችግራችሁ ይገባኛል፡፡ ኮሮና ከመኝታ ቤቱ የወሸቀው ጃዋር “ኦሮሚያ” ከሚባል ምናባዊ “ትልቅ ሀገር” ውጡልኝ ይላቸው የነበሩ አማሮች ከገዛ ቀያቸው መውጣታቸውን ማረጋገጥ እንዳይችል በድሆች ደም የተገዛ ቤቱን ደጅ ማየት እንኳን ናፍቆታል፡፡ በስተርጅና የተበላሸው መረራ ጉዲናም አሁን የት እንዳለ አናውቅም፤ በቀለ ገሪባን የበላው ጅብም ካለፉት ሁለትና ሦስት ወራት ወዲህ አልጮኸም፡፡ ፕሮከሰር ሕዝቅኤልና የውሸት ዶክተር ፀጋየ አራርሳ እንዲሁም መምህራቸው ዲባቶ ገመቹ መገርሣ በየትኛው ማግለያ ጣቢያ እንደተጠለሉ አይታወቅም፡፡ ለዚህ ነው እንግዲህ በተረኛው መንግሥት የተማመነው ያ ሁሉ ዘረኝነት እግር አውጥቶ እስኪሄድ ድረስ በምስኪኑ ሕዝባችን ጫንቃ ላይ ይንጎማለል የነበረው – ሕዝብ አስተዳደር ጥበብንና አስተውሎትን ይጠይቃል፤ ጊዜ ሰጠኝ ብሎ በስሜት እምቡር እምቡር ማለት ሠላሣ ዓመታትንም ቢሆን ቆይቶ ትልቅ ዋጋ ያስከፍላል፡፡ (አውራ ዶሮው አሞራው እስኪያልፍ ከተደበቀ በኋላ ማለፉን አረጋግጦ “አምጭማ አምጭማ ጦሩን፤ ወንዙን ሳይሻገር እለውና ናላውን” ሲል እመት እናት ዶሮ “አንቱም አንቱም አይዋሹ፤ አሁን ቢመጣ አጥር ላጥር ሊሸሹ” አለችው አሉ፡፡ ሁሉም ታዬ፤ መንግሥት ተብዬው ይልቅ በጣም የተሻለ እንቅስቃሴ እያደረገ ነው – ምንም እንኳ ባለሥልጣናቱ የተጣባቸው የሙስና ደዌ አሁንም ተባብሶባቸው መቀጠሉ ቢነገርም፡፡ ሙስና ሱስ ነው፤ ካላስቀበረ የማይተው እጅግ አደገኛ ሱስ!)

አማራ ማን ነው? አማራነት ምንድን ነው? የተለዬ ነገር እንደምናገር የምትጠብቁ ካላችሁ እንዳትሳሳቱ አደራችሁን፡፡ አማራ ብሎ የተለዬ ዘር የለም፡፡ ፕሮፌሰር መስፍንና አንዳርጋቸው ጽጌ ይወቀሱበት የነበረውን “አማራ አለ፤ አማራ የለም” ተራ ክርክር አሁን እንርሳው፡፡ ካስፈለገም  “አማራ እያለ የሌለ መንፈስ ነው” ልበልና እኔ የሁለቱ አንጋፋ ሰዎች ተማሪ ላሻሽለው፡፡ አለ/የለም ብሎ መከራከር በመሠረቱ ሞኝነት ይመስለኛል፡፡ አማራ ከሌለ ጎጃምን፣ ጎንደርን፣ ወሎን፣ ሸዋን፣ ባሌን፣ አዲስ አበባን፣ ናዝሬትን፣ አዋሳን… ማን ሞላው? አማራ ካለ ኢትዮጵያን ምን በላት? ወዴት ገባች? ምን ዋጣት?

አማራ እንደ አንድ ሕዝብ በአንድ ማኅበረሰብኣዊ ሥነ ልቦናና ማኅበራዊ ትስስር አናውቀውም፡፡ በተለመደው አገላለጽ አማራነት እንጂ አማራ አለ ማለት በምንችልበት ደረጃ የለም ወይም እስከቅርብ ጊዜ አልነበረም፡፡ “እኔ የአማራይቱ ልጅ!” ብሎ የሚፎክር አማራ ከተገኘ – አሁን በዚህ ዘመን እንኳን – ልቀጣ፡፡ በዞንና በጎጥ መፎከር ግን የነበረና ያለም ነው – “የመንዜይቱ ልጅ!” ዓይነት፡፡ በአማራነት መሳሳብ ግን አልነበረም፤ አማራ በመሆንህ ብቻ የሚያቀርብህ አማራ ካለ የወያኔ ትውልድ መሆን አለበት – እርሱም ከስንት አንድና አሁን አሁን፡፡ በትግሬነት ግን አለ – እስክንጠግብ አይተነዋል፡፡ በኦሮሞነትም አለ – እስኪያንገሸግሸን እያየነው ነው፡፡ አማራነት ላይ ተመሥርቶ ግና መቅጠርም ሆነ መሾምና ከቦታ ቦታ ማዛወር በበኩሌ አላውቅም፡፡ አማራነት በኢትዮጵያ ውስጥ ቀልጦ ወይም ሟሙቶ በመጥፋቱ አማራን ለይቶ ለማወቅ ራሱ አማራውም ተቸግሯል፤ አማራነትና ኢትዮጵያዊነት መሣ ሆነዋል – ይህም ነው አማራውን ያወከውና ጠላቶቹም ይህን ሕዝብ አጥፍተው ለመጨረስ ክፉኛ ያስቸገራቸው፡ የምለው ነገር ማንንም ግራ እንዳያጋባብኝ እፈልጋለሁ፡፡ አማራ የምለው አሁን አማራ ነኝ የሚለውን ወገን ነው፡፡ እንጂ አማርኛ ተናጋሪ የሆነ ሁሉ አማራ ላለመባል የሚጎድለውም ሆነ የሚከለክለው የለም፡፡ ለአማራ ውድቀት አሉታዊ አስተዋፅዖ ያደረጉ ነጥቦች ተመልሰው ለትንሳዔውም በአወንታዊነት ከፍተኛ ሚና የሚጫወቱ ይሆናሉ፡፡ ይህን ኗሪ የሚያየው ይሆናልና ከአማራ ጋር “የምትሳፈጡ” ይቅርባችሁ እላለሁ፡፡ ግልጽ ነው!

ቁጥርን በተመለከተ ብዙ ውሸት አለ፡፡ ጠባቦችና ጊዜ የሰጣቸው የላም አሸናፊዎች አማራን(ኢትዮጵያን) አሸነፍን የማለት ጀብዳቸውን አማናዊ ለማድረግ ከወሰዷቸው ድፍረት የተሞላባቸው እርምጃዎች አንዱ የአማራን ቁጥር በእጅጉ ቀንሶ መናገርና ማስነገር ነው፡፡ አሁን ስሙን የማላስታውሰው አንድ የትግሬ ምሁር እንዲያውም አማራን አናሳ ብሄረሰብ (minority) እንደሆነ በአንድ መጽሐፉ ያለአንዳች ሀፍረት ጽፏል፡፡  ከታወሩ አይቀር ደግሞ እንደዚህ ነው፡፡ እርግጥ ነው በፊት ሕወሓትም ሆነ አሁን ተረኛው ኦህዲድ አማራን አሳንሶ ለማሳየትና ዘሩንም ከምድረ ገጽ ለማጥፋት ያልፈነቀሉትና የማይፈነቅሉትም ድንጋይ የለም – “ኢትዮጵያዊ ነኝ” የሚልን በነሱ መለኪያ አማራ ያልሆነን ዜጋ ሳይቀር –  ጥላቻ እኮ ያሣውራል ወገኖቼ፡፡ ሆኖም አማራ ላጥፋው ብለህ እንደምታደማው የፊትና የሰውነት ኪንታሮት ባላሰብከው ፍጥነት እየተስፋፋ የሚሄድ ሕዝብ መሆኑን ባለፉት 30 ዓመታት አስመስክሯል፤ ባገር ውስጥ ስታጠፋው በውጭ ይባዛልህና በዕውቀትም በሀብትም ዳብሮ ጠፋልኝ ያልከው ሕዝብ ሲፋፋ ታየዋለህ፤ ተረግሞ የተመረቀ ሕዝብ፤ ተመርቆም የተረገመ የኢትዮጵያ አንዱ ፈርጥ፡፡ ስለሆነም ይህ ሕዝብ በአሁኑ ወቅት ከ50 ሚሊዮን ቢበልጥ እንጂ አያንስም፡፡ አማራ ሌላ የሚመካበት የጎሣም ሆነ የብሔር ማንነት የሌለው በመሆኑ በየትም ሥፍራ ሁሉም ዘመዱ ከመሆኑም በላይ ከሁሉም ጋር ተጋብቶና ተዋልዶ በሁሉም ውስጥ ተመሳስሎ የሚኖር ነፃ ሕዝብ ነው፡፡ ችግሩ ምልዓቱ ያስከተለበት መዘናጋትና ለበርካታ ዓመታት በጊንጦች የተፈጸመበትን ሤራና ተንኮል ለፈጣሪ ከመስጠት በዘለለ በኅብረት መታገል አለመቻሉ ነው፤ ይህ ነው የአማራ ትልቁ ጠላት – የአማራነት ሥነ ልቦና አዳብሮ ጠላቶቹን አለመጋፈጡ አማራን እንጦርጦስ አውርዶታል – ይሁን፤ ለበጎ ነው፡፡ አማራን አማራነቱ ቢያሰባስበው ኖሮ – ወልቃይትንና ራያን እንተዋቸው – ወያኔ አራት ኪሎን ይቅርና ቆቦና ወልዲያን መሻገር ህልም እንደሆነበት እዚያው ደደቢቱ ላይ በከሰመ ነበር – ይህንንም እውነት ወያኔዎች ራሳቸውም አሳምረው ያውቃሉ፡፡ ለዚህም ነው አማራውን በጥቅምና በተለያዩ ጥቃቅን ነገሮች የከፋፈሉት፡፡ አማራው ከሁሉም ዘር ጋር መሰባጠሩም ከቋንቋና ባህል መመሳሰል አኳያ ብዙ ጎድቶታል፡፡ ምክንያቱም አማራው ምንም እንኳን ተጠራጣሪ ቢሆንም ጥርጣሬው ግን እርስ በርስ እንጂ በሌሎች ላይ እስከዚህም በመሆኑ ቋንቋውን የሚናገሩ በረከት ስምዖንን የመሰሉ እፉኝቶች አማራ መስለው የጠላትን አጀንዳ ያስፈጽሙ ነበር – ሰዎች እየተቀያየሩ አሁንም ድረስ፡፡ ትንሹ አቢይ ሳይቀር ስንትና ስንት “ፊንታ” አማራው ላይ እየሠራ ነው፡፡

ሶማሊያውያን ገበሬዎች ስለአማራ ያሉትን ላስታውሳችሁ፡፡ ወያኔዎች አገር ምድሩን ሲቆጣጠሩና በዚያው ሰሞን “የአስተዳደር ጥበባቸው”ን በይፋ ማሳየት ሲጀምሩ ሶማሌዎች “አይ፣ አገር ማስተዳደሩንስ ለአማራ ተውት፤ እናንተ አትችሉበትም” ነበር ያሏቸው፡፡ ትልቅ ቁም ነገር ያዘለ አነጋገር ነው፡፡ ሰዎች የተለያዬ ክሂል አላቸው፡፡ ፍትሃዊነት፣ አድሏዊነት፣ ዳኝነት … ለሰዎች እንደተፈጥሯዊ መክሊት ከአምላክ የሚሰጡ ተውህቦዎች ናቸው፡፡ ንፉግነትና ቸርነት ራሳቸው “ተሰጥዖ” ናቸው፡፡ እነገሌ ለውትድርና፣ እነገሌ ለንግድ፣ እነገሌ ለአብራሪነት፣ … እነገሌ ለዶሮ ወጥ፣ እነገሌ ለክትፎ፣ እነገሌ ለጥልኆ… እየተባለ ብዙ ነገር እናውቅ የለምን? አዎ፣ ሸማ በየፈርጁ ይለበሳል፤ ክፋትም የለውም፡፡ በአንድ ወይም በጥቂቶች ብዙ ሰው መሰደቡ ያሳዝናል እንጂ ከዚህ በባሰስ እነገሌ ውሸታም፣ እነገሌ የሀሰት መስካሪዎች፣ እነገሌ ከሃዲዎች፣ እነገሌ ስስታሞች፣ እነገሌ ሌባና ቀጣፊዎች፣ እነገሌ ተልባዎች፣ እነገሌ ገለባዎች … እየተባለ ይነገር የለምን? የምን ይሉኝታ ነው! በየሀገራቱ ይህ ነገር አለ፡፡ ከፀሐይ በታች…

አንድ አማራ የቢሮ ኃላፊ ቢሆን በሚቀመጡ መሥፈርት ለሥራው ብቁ የሆነ ሰው ከሁሉም አመልካቾች ፈትኖ ይቀጥራል እንጂ በስም ምንነት ታውሮ ስንሻውንና አምባቸውን አለሙያና ችሎታቸው በማግበስበስ ለነገ ሀፍረት ራሱን አያዘጋጅም – ከሽዎች አንድ የዚህ ዓይነት ብልግና የሚሠራ ይሉኝታቢስ ሰው ሊኖር ቢችል ከቁጥር አይገባም፡፡ በቀደሙትና በአሁን ግብዝ ተረኞች ያየነውና የምናየው ግን የተለዬ ነው፡፡ አሁን በየመ/ቤቱ የሚታየው ጉድ መነሻም ይሄው ነው፡፡ የነገዳቸውን ሰው ይጥቀሙ እንጂ ስለሀገርና ስለሥራ ስኬት ቅንጣት አይጨነቁም፡፡ ድፍን ቅል ራስ ሁሉ ከየጎጡ እየተጠራራ ሥራ እየተበለሻሸ ነው፡፡ ሰሞነኛ ምሣሌ ላቀርብ እችላለሁ – ከአዲሱ የሙሉና ጎደሎ የቤት መኪና ታርጋ ጋር በተያያዘ ስለወጣው ደምብ ከታዘብኩት ነው ፡- የዘንድሮ ባለሥልጣን መቼም በወያኔው ኮፒ-ፔስት ቅኝት ከሞላ ጎደል ሁሉም ደቻሣና ጉርሜሣ ሆኗልና አብዲሣ ያደቴ የተባለ መልከ መልካም የመንገድ ትራንስፖርት የሥራ ኃላፊ በቀደምለት እንዲህ አለላችሁ፤ “ህጉ የወጣው የሰዎች እንቅስቃሴን ለመገደብ ነው፡፡ በዚህ ደምብና ዐዋጅ ተጎዳሁ የሚል ባለመኪና ካለ ራይድ ጠርቶ መጠቀም ይችላል፤ በታክሲና አውቶቡስም በእግርም መጠቀም ይችላል…” (ቢሰማኝ ኖሮ ጉዴ ፈልፈቶ ነበር! ቀስ ብዬ ‹ደንቆሮ› አልኩታ!) የዚህን ሰው ጢሪሪም ጢሪሪም ስትሰሙ “እነዚህ ሰዎች በውነቱ ኢትዮጵያን እንዲገዙ የተሰጡን በምን ኃጢኣታችን ይሆን?” ብላችሁ መጨነቃችሁ አይቀርም – እናንተም በሽታው ካልተጠናወታችሁ ማለቴ ነው፡፡ አንድ ባለመኪና ቤተሰቡን ይዞ ወደ ግል ሥራው ቢሠማራ ይሻላል ወይንስ በታክሲና በአውቶቡስ እየተጋፋ በሽታውን ቢያዛምት? በቀላል ወጪ ኑሮውን ቢገፋ ይቀላል ወይንስ አምስት መቶና ስድስት መቶ ብር እየከሰከሰ ራይዶችን ቢመግብ ይሻላል? ሰዎቹ የራይድ መኪኖች ባለቤት ይሆኑ ይሆን? ምን ዓይነት የደደበ አስተዳደር ነው? ለዚህ ነው መንግሥትነት ከስሜት ይልቅ ለጥበብ ይቀርባል መባሉ፡፡

የሚያጽናናኝ ብዙ ነገር አለ፡፡ አንዱ አማራነት ተጋቦታዊ መሆኑ ነው፡፡ አማራነትን በምርጫ ማግኘት ይቻላልና ከየነገዱ በርካታ ዜጎች የአማራ ጠባይ የተጋባባቸው እንዳሉ እናውቃለን፡፡ ቋንቋና ሰው ባሕርያዊ ግንኙነት እንደሌላቸው የሚረዱ የየትኛውም ብሔርና ነገድ አባላት ወደጎሣዊ ማንነታቸው ሳይጨማደዱና ሳይኮማተሩ በኢትዮጵያዊነት ሸማና ኩታ ተውበው ዜጎቻቸውን በእኩልነትና በፍትህ የሚመሩ አሉ፡፡ ዘረኝነት ጥምባትና ግማት መሆኑን የሚገነዘቡ የየትኛውም ነገድ አባላት በቋንቋና በጎሣ ሲመጡባቸው ይጠየፋሉ፤ የሚጣልባቸውን የሥራ ኃላፊነትም በፍትህ ርትዕ ይወጣሉ፡፡ የእናት ሆድ ዥንጉርጉር ነው፡፡ እነዚህን መሰል ዜጎች የሀገራችን የወደፊት ተስፋና አለኝታ ናቸው፡፡ ይብዙልን፡፡

አማራንና አማራነትን ከሥልጣን ማባረር የዘመኑ ፋሽን የሆነው ኢትዮጵያን የሚጠሉ ኃይሎች የከፍታውን ቦታ ስለያዙ ነው፡፡ አሁንና ወደፊት ግን እነዚህ ኃይሎች በራሳቸው የቤት ሥራ ይጠመዳሉ፤ ብዙ ሀብትና ጫፍ የደረሰ ሥልጣኔም ምንም ማለት እንዳልሆነ ይረዳሉ – ሊያውም በቀላል ልምጭ፡፡ ስለዚህም እንኳንስ የኛን የወደፊት ዕጣ ሊወስኑ ስለራሳቸውም በብርቱ ይጨነቃሉ፡፡ ምልክቱንም በራሳቸው ግዑዝ ፍጡር ሰሞኑን እየታዘብን ነው – ወጥ በወጥ ሆነዋል፤ ይጨብጡትንና ይለቁትን አጥተዋል፡፡ የፓንዶራ ሣጥን የሚሏት ነገር ሳትከፈትባቸው አልቀረችም፡፡ የአንዳንዶቻችን ጸሎት ይሄው ነበር – ፈጣሪ ለጠላቶቻችን የቤት ሥራ እንዲሰጥልን – መጎዳታቸው ባያስደስተንም የኅልውና ጉዳይ ነውና ጸሎታችን ተጠናክሮ ይቀጥላል፡፡ ነባር ብሂሉም እንዲህ ይላል፡- “አንቺም ጨካኝ ነበርሽ ጨካኝ አዘዘብሽ፤ እንደገና ዳቦ እሳት ነደደብሽ”፡፡ የዘመናት ጸሎታችን ሠምሯል፡፡ የእጃቸውን ሊያገኙም ሥፍሩ ተጀምሯል፡፡ ይዘገያል እንጂ ማንም ቢሆን በሠፈረው መሠፈር አይቀርም፤ ወያኔን ማየት በቂ ነው፡፡

አማራን በጥሬ ትርጉሙ እንርሳው፡፡ ነገ የትግሬ አማራ ይመጣል፡፡ ነገ የኦሮሞ አማራ ይመጣል፡፡ ነገ የሶማሊያ አማራ ይመጣል – አሁንም እንዳለ ሁሉ፡፡ አማራ ሀገሩ ኢትዮጵያ ትወለድለትና በገዛ ሀገሩ ሳይሸማቀቅ መኖር ይቻል እንጂ በአሁኑ ሁኔታ ለሥልጣን ያን ያህል እንስፍስፍ አይመስልም፡፡ ጽድቁ ቀርቶበት በቅጡ መኮነንን የሚሻ ነው፡፡ በቀትረ ቀላል ትናንሽ ሰው መሳይ ፍጡሮች ብዙ ተሰቃይቷልና የወደፊቱ ጊዜ የርሱና የርሱ መሰሎች ቢሆን ሲያንሰው ነው፡፡ ብዙ ስለተማረም የፍትህ መቅረዝ እንደሚሆን ይጠበቃል፤ ፍርደ ገምድልነት ምን ያህል ዋጋ እንደሚያስከፍልም ያውቃልና አይሞክረውም፡፡

ቋንቋን በተመለከተ አማርኛን ሊተካ የሚችል ሌላ ቋንቋ ኢትዮጵያ ውስጥ የለም፡፡ በትምክህትና በጉራ ማንም የትም አይደርስም፡፡ “አንድን ፈረስ አንድ ሰው ወደ ወንዝ ሊወስደው ይችላል –  ሃያ ሰዎች ግን በግድ ውኃ እንዲጠጣ ሊያደርጉት አይችሉም” የሚል ብሂል አለ፡፡ ብልጧ ወያኔ በ27 ዓመታት ፈረዖናዊ አገዛዟ ያልሞከረችውን ብሔራዊ ቋንቋን የመለወጥ ጉዳይ ዛሬ አንድ ጎሠኛ ተነስቶ የራሱን ላድርግ ቢል ለተወሰነ ጊዜ ግርግርና የሚያበሳጭ ሣቅን ከመፍጠር ውጪ የሚያመጣው ነገር የለም፡፡ ሀገርን ማስተዳደር የሚቻለው ከአፍ እስካፍንጫ በማያልፍ አስተሳሰብ ታውሮ የታሪክና የትውልድ መሣቂያና መሣለቂያ ለመሆን በመጣደፍ ሳይሆን አርቆ አሳቢ በመሆን ነው፡፡ በኢትዮጵያ ውስጥ አማራና ኦሮሞ ብቻ ቢኖሩ ኖሮ እርግጥ ነው አማራውን በማስገደድ ኦሮምኛ  አስለምዶ የሚፈለገው ውጤት በተወሰነ የጊዜ እርዝማኔ ውስጥ ሊገኝ ይችል ነበር፡፡ አሁን ግን ለሽዎች ዓመታት በተካሄደ የቋንቋና ማኅበረሰብ ሽመና 86ቱ ጎሣና ነገድ በአማርኛ ተጠላልፎ እየተግባባ መኖርን ባህሉ ስላደረገ የወል መግባቢያን መቀየር በመሠሪ ቄሯዊ የዘር ፍጂት በቀን 86 ንጹሓን ዜጎችን እንደማስጨፍጨፍና በህግ ሳይጠየቁ በመናገሻ ከተማ ውስጥ እንደመፏለል ቀላል አይደለም፡፡ ይህን ማኅበረሰብኣዊ መደላድል ለመበታተን ባለፉት 30 ዓመታት የተደረገው ዓለም አቀፍ ጥረት እምብዝም የተሣካ አይመስልም፡፡ ለተወሰነ ጊዜ ልናታልላቸው ብንችልም ሰዎች የሚጠቅማቸውን ያውቃሉ፡፡ ራስህ ወግህን የምትጠርቅበትን የጋራ ቋንቋ ሌላው እንዳይናገረው ማገድ ክፋት ከመሆኑም ባሻገር ሰዎችን እንደኮቪድ 19 የቤተ ሙከራ ፍጡር መቁጠርም ነው፡፡ በነገራችን ላይ ለአማርኛ አዝኜ ወይ በኦሮምኛ ተከፍቼ አይደለም እንዲህ የምለው፡፡ እውነት ስለሆነ ነው፡፡ የጋራ መግባቢያችን አማርኛ በመሆኑ እንደ አንዳንድ የዋሃን ሥነ ልቦናዊ ጥቅም እንኳን አላገኝም፡፡ ሁላችንም ይህን ደካማ ሰውኛ ስሜት ማለፍ ብንችል ደስ ይለኛል፡፡ ቋንቋ መሣሪያ እንጂ የግል ንብረት አይደለም፡፡ በቋንቋ የሚራኮት ሰው፣ ሰው ለመሆን ገና ብዙ የሚቀረው ከእንስሳም ያነሰ ዝቃጭ ነው፡፡ …

የኢትዮጵያ ሕዝብ ደሙንና አጥንቱን ገብሮ ብዙ ተማረ፡፡ የሚጠቅመውን ከማይጠቅመው ለይቶ ዐወቀ፡፡ ያለፉት 30 እና 40 ዓመታት በተለይ በደምና በአጥንት ግብር ብዙ የተማርንባቸው ጊዜያት ናቸው፡፡ አሁን ወደ ጤናማ አማራነት፣ ጤናማ ኦሮሞነት፣ ጤናማ ትግሬነት … የምንጠጋበትና ሀገራችንን ከተደገሰላት ዘግናኝ የመበታተን ዕልቂት የምንታደግበት ወቅት ላይ ነን፤ ደግሞም ከፈለግን እንችላለን፤ ባንፈልግም አንዳንድ መልካም ነገሮች መምጣታቸው ታሪካዊ ክስተት ነው፡፡ እርግጥ ነው – ዛሬ ዘመነ ኮሮና ነው፡፡ ነገ ደግሞ ሌላ ቀን ነው፡፡ ዘረኞችና ጠባቦች እንዲሁም ትምክህተኞች ግን ፀሐያቸው ትጠልቃለች፡፡ በድቅድቅ ጨለማ ውስጥ የሚታይን ብርሃን መናገር ነቢይነትን አይጠይቅም፡፡ ነገር እንዳበዛሁባችሁ ይገባኛል፡፡ በኮርዬ ምክንያት መሄጃ ስለሌለን ረጋ ብለን እናንብበው፡፡ የጋራ ችግር ነውና ጀርባችንን አንስጠው፡፡ የጋራንም ሆነ የግልን ችግር ጆሮ ዳባ ቢሉት እርሱ አይልም፡፡ ሰላም፡፡…

(martyrof2011@gmail.com)

6 Comments

  1. ቀና አስተሳሰብ ቢሆንም በ የዋህነት ላይ የ ተመሠረተ አስተሳሰብ ስህተት ነው። ይህ አመለካከት አማራን ብዙ ጎድቶታል። አማራ ብቻ ነበር በ ደርግ እና በ ወያኔ ዘመናት ሲጨፈጨፍ የነበረው። አሁንም በ ኦሮሞ ብዙ እንግልት እየደረሰበት ነው። ምክንያቱም አንድ እና አንድ ብቻ ነው። ያም ተደራጅቶ እራሱን አለ መከላከሉ ነው። በ አገራችን ላለው እብደትም መፍትሔው የሚያስከፍለውን መስዋዕትነት ከፍሎ እራሱን ማዳን ነው። መከበር በ ሃይል ይባል አይደል። ሌላ አማራጭ የለም።
    ደርግ የ ጠቅላይ ግዛት አስተዳዳሪዎችን በሙሉ ሲያስር የ ትግራይን ልዑል ራስ መንገሻ ያላሠረበት ምክንያት ትግሬዎች ያምፁብኛል ብሎ በ መፍራት ነበር። የ ተባበረ ህዝብ እንደሚከበር ከዚህ የበለጠ ማስረጃ የለም። ስለዚህ የ አማራ ህዝብ ከ ጥፋት ለ መዳን ቢያስብበት ይሻላል። እዚህ በምኖርበት አገር የ ረዥም ጊዜ ኦሮሞ ጓደኛዬ አንድ በዓል ስናከብር ስለ አገራችን ፖለቲካ እያወራን ሳለን በ ሞቅታ ” አማን ማጥፋት ነው።” ብሎ አለ። አላማቸው ይህ መሆኑን አማራ መገንዘብ አለበት። መብታችንን ለ ማስከበር እግዚአብሔር ይርዳን እንጂ ጄኔራል አሳምነው እንዳሉት ከ ግራኝ አህመድ ጊዜ የ ባሰ አደጋ ተጋርጦብናል።
    አቢይ መንገዱን ለ ኦነግ እያስተካከለ ነው። ህዝቤ ንቃ! በ እነ ደመቀ መኰንን አትዘናጋ።
    እግዚአብሔር ህዝባችንን ይጠብቅልን! አሜን!

  2. ያዱሮ ምኞት እሁን እይሆንም። እማራ ጥሩ ህዝብ ነው። ግን በሥሙ የምነግዱ እንዳንቴ ያሉ የድሮ ናፋቅቂውች ችግር ልመፍጥር ይሞኩራሉ። ግን እይህሆንላቹህም።

  3. ፍየል ወዲህ ቅዝምዝም ወዲያ – ቀብራራው አምባሳደር

    ዘንድሮ የዓለምን ህዝብ እየፈጀ የሚገኘው ወረርሽኝ ለመንግስታቶች ከባድ ፈተና ነው።በተለይ ከውጭ ሀገር በግድም ይሁን በውድ የሚመለሱ በመቶሺ የሚቆጠሩ ዜጎችን ተቀብሎ ማቆያ ማስገባት የሚያስችል ቦታ እና የገንዘብ አቅምን የሚፈታተን ነው።
    ለአብነት ያህል በሊባኖስ የሚገኙ ዜጎቻችንን ካሉበት ችግር ለመታደግ በመንግስት በኩል ያለው ጥረት እንደተጠበቀ ሆኖ ሊብናን ላይ ያለው ኤምባሲም ይሁን ቆስላ ፅ/ቤት እዛያለውን ማህበረስብ አስተባብሮ ሀላፊነቱን ካልተወጣ መንግስት ብቻውን ችግሩን ይፈተዋል ብሎ ማስብ በአንድ እጅ እንደ ማጨብጨብ ያህል ነው።

    በተመሳሳይ መልኩ ሳውዲ አረቢያ ጅዳ እና ሪያድ ባሉት የኮሙኒቲ ማህበራት ከወዲሁ እንቅስቃሴ እንዲያደርጉ ኤምባሲው ካላስተባበረ የሀላ ሀላ መዘዙ የከፋ ነው ።

    አሁን ሪያድ የኢትዮጵያ ኤምባሲ ምንም እየሰራ እንዳልሆነ ይነገራል ። ክቡር አምባሳደር አብዱል አዚዝ በደህና ጊዜ ማህበረሰቡን መያዝ ባለመቻላቸው አሁን ብቻቸውን የቀሩ ይመስላል።

    ከአምባሳደር አሚን በሀላ ከኩዌት ወደ ሪያድ የተዘዋወሩት አምባሳደር አብዱል አዚዝ አህመድ በፊት የነበራቸው የመስራት ሞራል ምክንያቱ ምን እንደሆነ ባይታወቅም በጣም የቀዘቀዘ ይመስላል።በተለይ ክቡር ጠቅላይ ሚንስትራችንን ለመቀበል ወደ ዱባይ ይዘውት የሄዱት የማህበረሰቡ ተወካይ ቡድን አምባሳደሩ ጋር በአካልም በመንፈስም የሚተዋወቅ አይመስለኝም።

    ምክንያቱም ማህበረሰቡ በስደት ዓለም ያሉበትን መሰረታዊ ችግሮች ለመስማት ፕሮግራም ይዘው ለነበሩት ጠቅላይ ሚንስትራችን ክቡር አምባሳደር ይዘው የሄዶቸው የሪያድ ማህበረሰብ ተወካዩች ያቀረቡት ጥያቄ የማህበረሰባቸውን ችግር ሳይሆን በየሶሻል ሚዲያው ሲወራ የከረመውን ግራ ዘመም ፍሬ ፈርስኪ የፖለቲካ አጀንዳ እንደሆነ ሰምተናል ።

    ይህ ጠቅላያችንንም አስደንግጦል ! የሪያድ ማህበረሰብም በሆነው ነገር ሁሉ አፍሯል። አምባሳደር አብዱል አዚዝም በማህበረሰቡ ዘንድ የነበራቸው ስም እና ዝና ለውጦል።

    እዛ መድረክ ላይ ከማህበረሰቡ ችግር ይልቅ የዘር ፖለቲካ መነገሩ ፀረ መንግስት የሆኑ ሀሳቦችን ለማንፀባረቅ መሞከር ህገመንግስታዊ መብት ቢሆንም ቦታው ግን አይደለም ። በወቅቱ በአረብ አለም የሚኖሩ ኢትዮጵያውያን ዱባይ ላይ የተሰባስቡት ለክቡር ጠቅላይ ሚንስትራቸው ያላቸውን ፍቅር እና ድጋፍ ገልፀው ችግሮቻቸውን ገልፀው ጠቅላይሚንስትር ዶ/ር አብይ አህመድ ከመንግስታቱ ጋር በሚያደርጉት ንግግር እልባት ማስገኘት ነው ።

    ለምሳሌ ያህል ዱባይ ላይ እንዲስራ እንደ ተፈቀደው ቤተክርስቲያን ወይም ኳታር ላይ ለኢትዮጵያኑ እንደተሰጠው የትምህርት ማዕከል ወዘተ ። ታዲያ እንደዚህ አይነት ታሪካዊ ስራዎችን ሰርተው ይመጣሉ ብሎ ከኮሙኒቲ መጠለያ ማዕከል ፣ ከት/ቤት እና ከተለያዩ የሪያድ ማህበረሰቡ ተቋማት ተቀማጭ ገንዘብ ላጥ አድርገው ዱባይ ያቀኑት ክቡር አምባሳደር አብዱል አዚዝ አህመድ እና አብሯቸው የነበሩት ስዎች ለጠቅላይ ሚንስትራችን ባቀረቡት ጥያቄ ብዙዎቻችን አፍረናል ፣ ” ነገሩ ነው እንጂ ስው ጩቤ አይጎዳም እንዲሉ ” ድርጊቱ በቅንነት መሆኑ ቢታወቅም ድፍን የሪያድንን ማህበረስብ ግን እግዞ አስኝቷል።

    ክቡር አምባሳደር አብዱል አዚዝ በወቅቱ ቢያንስ ቢያንስ ሳውዲ ውስጥ ሞት ስለተፈረደባቸው ሁለት ኢትዮጵያውያን ጉዳይ አንስተው ቢሆን ኖሮ በምድርም በሰማይም ይፀድቁ ነበር ።

    ዛሬ አምባሳደ አብዱል አዚዝ ከወቅቱ ጋር መራመድ ስላልቻሉ የመስራት አቅማቸው ደክሞል።ተፈጥሮም በሯሷ ቀሪ ህይወታቸውን እንዲያርፉ የግድ ያላቸው ይመስላል በሌላ አነጋገር ፣ የአይምሮ እርጅናም ተጫጭኗቸዋል።

    ክቡር አምባሳደር ጡረታ ወጥተው ቀሪ ህይወታቸውን እምነት ተቋማት ውስጥ ቢያሳልፉ ለላኛው ቤታቸው ትልቅ ስራ ሰርተው ያልፉ ነበር።

    ሰሞኑን በተላለፈው ሀገራዊ ጥሪ አምባሳደር አብዱል አዚዝ ህዝቡን ማስተባበር አለመቻላቸው ሌላው እራስ ምታት ብቻ ሳይሆን የአምባሳደሩን አቅመ ውስንነት የሚያሳብቅ ነው።

    አምባሳደሩ ወታደራዊ እንጂ ዲፕሎማሲያዊ ተሰጥኦ የላቸውም ፣ ህዝብን ማስፈራራት የክብር መለኪያቸው ያደረጉት አንባሳደር የአካባቢው ማህበረስብ የሚላቸውን አይሰሙም ፣ ለዚህም ከኩዌት ወደ ሪያድ በመጡ በነጋታው የኮሙኒቲ ማህበሩን እንዳይንሰራራ አደረጉት የልማት ማህበራትን አመራሮች ፊት ነሱ ። ይባስ ብለው ኮሙኒቲውን አዳራሽ አልባ አድርገው መንግስት የሾመኝ በሀገራቱ መሀከል ያለውን ስራ እንድሰራ እንጂ ማህበረስብ ውስጥ ገብቼ ባልና ሚስት እንዳስታርቅ አይደለም በማለት በድፍረት አረዱን። አምባሳደሩ የሾማቸው ጠቅላይ ሚንስትር ግን ሀገር ውስጥ መዶሻ ይዞ የድሆች ቤት ይጠግናል ፣ አውራጎዳናዎችን ይጠርጋል ፣ ችግኝ ይተክላል ፣ እንደ አትክልተኛ በየመንገዱ የተተከሉ እፅዋቶችን ውሃ ያጠጣል ፣ የታመመ ይጠይቃል ፣ የሞተን ይቀብራል ፣ የተጣላን ያስታርቃል ፣ ይህን እውነታ አምባሳደር አብዱል አዚዝ በዓይናቸው አይተዋል ። ታዲያ በምን ማመዘኛ ይሆን የአምባሳደሩ ሞራል እንዲህ ፍስስ ያለው ? ክቡር አምባሳደር አብዱል አዚዝ የቀድሞው አምባሳደር እና ዲፕሎማቶች በፍቅር የሰበስቡትን ህዝብ ደላላ የሚል ታፔላ ለጥፈው ከኤምባሲው አራቋቸው።

    በየመድረኩ የሚሞግታቸውን ወጣቶች በነጭ ወረቀት አሳፍረሃለው እያሉ አሽማቀቁት ።ታዲያ ክቡር አንባሳደራችን እንዴትስ ሆኖ ወዳጅ ሊኖራቸው ይችላል። እሳቸው የተማሩ የተመራመሩ ቢሆኑም እውቀታቸው የጋን ውስጥ መብራት ሆኖ መቅረቱ ተስፋ ያስቆርጣል ። ለምን ብትሉ የእሳቸውን የትምህርት ደረጃ ሊተካ የሚችል አምባሳደር ማግኘት ከባድ ስለሆነ ። የትምህርት ችሎታቸውን በትግባር ባያሳዩንም በዝና ሰምተነዋል ፣ ወኔ ከሌለ ትምህርት ብቻውን ትርጉም የለውም ።

    መልካም የረመዳን ወር !! ፍቅር ይበልጣል

  4. ይህ አስተያየት ከዋናው ጽሁፍ ጋር ያለው ግንኙነት አልታየኝም። አስተያየቱ ጥሩ በመሆኑ በተለዬ ርእሥ ራሱን ችሎ ቢወጣ ብዙ ተመልካች ይኖረዋል።
    በተረፈ አሥተዋይና ልባም ከተገኘ አቶ አምባቸው ያቀረቡት ትንታኔ መሬት ጠብ አይልም። ለሁላችንም የሚሥማማው በዘር ተቧድኖ መባላት ሣይሆን በአንድ ዜግነት ሥር እንደዱሮው በአንድነት መኖር ነው። የጎሣና ዘርን ጣጣ እሥኪበቃን አየነው። ጥቂቶችን በሀብትና በሥልጣን እያከበረ ብዙዎቻችንን ግን ለእልቂትና ለሥደት ለድህነት ዳረገን እንጅ አንድም አልጠቀመነም። ካለፈው መማርና የወደፊታችንን ማስተካከል ይገባናል።

  5. The Ethiopian society needs to adopt an individualistic culture. Sleeping with two wives is not new for many who grew up fighting as woyane rebels. That’s what EPRDF rebels seen in Sudan. Woyanes and Shabiyas were swingers until 1991. Abiy Ahmed was the rebels slave sex toy who picked up his Tigrigna language skills in notime when he joined EPRDF rebel fighters. Abiy Ahmed was also the jigilo of the sodomites, he was seen in the gay pride parade in Addis Ababa during the Meles Zenawi’s time ,which he later defended saying he was there as an undercover spy to insure the security of the bisexuals who were exhibiting their prides in the parade.

    So if Abiy talks conflicting things in Bale and Dessie he doesn’t care , that’s all he did and all he knows . His father Ahmed Ali had three wives at onetime. Also remember Abiy Ahmed got a Master’s in Business Administration (MBA ) his philosophy is to sell sell sell. He just copies what his coach Dr. Bisrat Aklilu of Ethiopian trust fund (EDTF) tells him to say at one place then turns around and says what Jawar coached him at another place then turns around saying what Berhanu Nega coaches him at another ,his rant is endless, he just sells false hope so he and EPRDF escapes justice .

    Master Business Administrator Abiy Ahmed Knows very well how to sell himself to the prospective buyer.Same as a merchant who brings Segatura to sell it at one place calling it Teff to sell it as a Teff then takes the same product at another place where Segatura is in demand calling it Segatura.Abiy just changes his words to get the hand claps chibcheba by selling false hopes.

    Abiy even said he brought back the corpses of the Ethiopians who got beheaded in Libya back to Ethiopia which was a total lie, same as Nigusu Tilahun said the abducted Dembi Dollo Students got rescued , were never abducted , are dead and so on. So it is time for every Ethiopian to dig deep inside themselves and find out the truth , all these two pairing friendship shouldn’t let us get disconnected from our individual God given right. Individualism and self reliance is the key to economic recovery and prosperity according to the study conducted by The Center For Individualism .

    The new generation of Ethiopians should end the herd mentality of living as swingers as Woyane/Shabiya dressing up in Derg soldiers uniforms to raped many women during the civil war while Shabiya and Woyane fought against Derg since we are at a point in history when these swinging and false group mentality got us led directly to the slaughter house by we just blindly following the herd as sheeps cattles going to Qera.

    Even After the fall of Derg Azeb Mesfin raped her sex slave Abiy Ahmed for long time, it is even suspected Azeb Mesfin had a child by Abiy Ahmed, that’s why she is not accused and prosecuted of wasting public’s money while people such as Abay Tsehaye’s wife were prosecuted sentenced for life. Right now in April 2020 more Ethiopians get sick and die without a medical attention and without an autopsy compared to those Ethiopians that get sick and die after getting medical attentions.

    Ad·www.centerforindividualism.org/What Is Individualism? – Center for Individualism

  6. አይ! ግም ዜሮ/ኢዜማ፡፡ ይህን ሃሳብህን ለዚያ እጥቤ ግሽጣ ራስ አጎትህ ለብርሃኑ ነጋ ንገረው፡፡ አማራ ላይመልስ ከሃሰተኛ ባህታዊ ኢትዮጵያዊ ፖለቲከኞች እራሱን አርቆ ለህልውናው መፋለም ጀምሯል፡፡ አማራ እንደ እናንተ ላለ ሆዳምና ከርሳም እንዲሁም ለስልጣን ጥመኞች ከዚህ በኋላ አይሸወድም፡፡ ዋናውና ደስ የሚለው ነገር ቢኖር እንዲሁ በር ላይ እንድተቀመጠ ውሻ አይናችሁ እየትቀበዘበዘ ላሃጫችሁን እየጣላችሁ ምንም ስልጣን ሳታገኙ ይህችን አጭር የቀረቻችሁን 10 እና 15 ዓመታት እድሜ ጨርሳችሁ ላትመለሱ አፈር ትለብሳላችሁ፡፡ ሌላው ከህገ መንግስቱ ጋር ተያይዞ መሻሻል እንዲድርግበት የምንጠይቀው ሃሳብ ደግሞ የዛን ዘመን የደንቆሮ አብዮታዊያን ትውልድ በማንኛውም የፖለቲካ ጉዳዮች እንዳይሳተፉ የህግ ክልከላ ማድረግ ነው፡፡
    ሌላው በጣም ያሳቀኝ ቢኖር የአይጥ ምስክሯ ድንቢጥ ይባላል፡፡ እስኪ አሁን ስማቸውን ቄስ ይጥራውና ያ ሞት የረሳውን ቡቱቶ ሽማግሌ ፕ/ር መስፍን እና ያን እብድ የእንግሊዚ ጆሮ ጠቢ አንዳርጋቸው ጸጌ ፈላስፋና ምሁር አድርገሃቸው አማራ አለ የለም የሚሉትን የጅል ጉንጭ አልፋ ክርክር ታቀርባለህ፡፡ በመጀመሪያ ደረጃ ሁለቱም ሰዎች የስብዕና ጉድለት (ኢንቴግሪቲ የሌላቸው) ለስልጣን ከፍተኛ ጥማት የነበራቸው ነገር ግን እግዚአብሄር የልባቸውን አይቶ ተራ ድግስ አሳላፊ ያደረጋቸው ከንቱ ሰዎች ናቸው፡፡ እንዲያውም አንዳንድ የታሪክ መረጃዎች እንደሚያሳዩት ፕ/ር መስፍን ለ 60ዎች አዛውንት ሚኒስትሮች ሞት ዋና ምክኒያት እንድነበረና ኮ/ል መንግስቱም እንዲሳሳት ያደረገ ከፉ ሰይጣናዊ ሰው ነው፡፡ ለዚህም ይመስላል ስንት ለጋ ወጣቶች እየሞቱ እግዜሩም ረስቶት እንደ ኤሊ መሬት ላይ የሚሳበው፡፡አንዳርጋቸው እድሜ ልኩን የእንግሊዝ ጆሮ ጠቢ ሆኖ በመጨረሻም እድሜ ለትህነግ ሆርሞን ሳትወጋው አትቀርም መሰለኝ የሚናገረውና የሚጨብጠው ግራ ገብቶት ህዝብንም ግራ በማጋባት ላይ ይገኛል፡፡
    ማጠቃለያ የአማራ ትግል እንደ እናንተ ከርሳሞች ለስልጣን ሳይሆን የመኖርና ያለምኖር የህልውና ትግል ነው፡፡ ስለዚህ ይህን ሃሳብህን አሁንም እደግመዋለሁ ለዚያ አንቀልባ እጥቤ አጎትህ ለብርሃኑ ነጋ ወይም ለብልጽና/ኦህዴድ ወጥ ቤት ድርጅት ኢዜማ/ግም ዜሮ ንገራቸው፡፡

ሀሃሳብ እና አስተያትዎን ይስጡ

Your email address will not be published.